આને કહેવાય ચમત્કાર..! 14 વર્ષની ઉંમરે IPLમાં વૈભવ સૂર્યવંશીનો કમાલ, વેઢે ગણાય એટલા બોલમાં ફટકારી દીધી સદી
જયપુરમાં રાજસ્થાન રોયલ્સ અને ગુજરાત ટાઇટન્સ વચ્ચેની મેચમાં વૈભવ સૂર્યવંશીએ તોફાન લાવ્યું હતું. વૈભવે માત્ર 35 બોલમાં 100 રન બનાવીને સદી ફટકારી.
જયપુરમાં રાજસ્થાન રોયલ્સ અને ગુજરાત ટાઇટન્સ વચ્ચેની મેચમાં વૈભવ સૂર્યવંશીએ તોફાન મચાવ્યું. વૈભવે માત્ર 35 બોલમાં 100 રન બનાવીને સદી ફટકારી.
આ સમયગાળા દરમિયાન, તેણે મોહમ્મદ સિરાજથી લઈને ઇશાંત શર્મા અને વોશિંગ્ટન સુંદર સુધીના બધાના બોલ પર ઘણા છગ્ગા ફટકાર્યા.
વૈભવે ઇશાંતની એક ઓવરમાં 26 રન ફટકાર્યા. જેમાં ત્રણ છગ્ગા અને બે ચોગ્ગાનો સમાવેશ થતો હતો. ડગઆઉટમાં બેઠેલા રાજસ્થાનના કોચ રાહુલ દ્રવિડ પણ વૈભવ સૂર્યવંશીની ખતરનાક બેટિંગ જોઈને ખૂબ ખુશ દેખાતા હતા.
વૈભવ સૂર્યવંશીએ પોતાની અડધી સદી પૂર્ણ કરતાની સાથે જ ઘણી સિદ્ધિઓ હાંસલ કરી. તેણે IPLની આ સિઝનની સૌથી ઝડપી અડધી સદી ફટકારી. વૈભવે રાજસ્થાન રોયલ્સ માટે બીજી સૌથી ઝડપી અડધી સદી ફટકારી.
આ સાથે, ગુજરાત ટાઇટન્સ સામે આ IPLમાં સૌથી ઝડપી અડધી સદી છે. એટલું જ નહીં, તે IPLમાં અડધી સદી ફટકારનાર સૌથી યુવા બેટ્સમેન પણ બની ગયો છે. (ALL Images - BCCI)
