કાવ્યા મારનના 39.25 કરોડ રૂપિયા ડૂબી ગયા ! IPL 2025માં ખોટનો સોદો કર્યો ?
સનરાઈઝર્સ હૈદરાબાદના માલિક કાવ્યા મારને IPL 2025 સિઝન પહેલા 3 ખેલાડીઓ પર 39.25 કરોડ રૂપિયા ખર્ચ કર્યા હતા. તેમને આશા હતી કે ટીમને આનો ફાયદો થશે, પરંતુ IPL 2025 સિઝન શરૂ થયા પછી તેમનો નિર્ણય ખોટો સાબિત થઈ રહ્યો હોય તેવું લાગે છે.
પરંતુ સિઝનની પહેલી મેચ સિવાય, સનરાઈઝર્સ આ સિઝનમાં વારંવાર નિષ્ફળ રહી છે અને તેનું એક મોટું કારણ ટીમની વિસ્ફોટક બેટિંગ લાઈન-અપ છે, જેણે તેની પ્રતિષ્ઠા મુજબ પ્રદર્શન કર્યું નથી.
આમાં પણ, ખાસ કરીને તે 3 ખેલાડીઓનું પ્રદર્શન સૌથી વધુ નિરાશાજનક રહ્યું છે, જેમના પર કાવ્યા મારને મોટી રકમ ખર્ચી હતી. આ ત્રણ ખેલાડીઓ છે - ઓસ્ટ્રેલિયાના સ્ટાર બેટ્સમેન ટ્રેવિસ હેડ, યુવા ભારતીય ઓપનર અભિષેક શર્મા અને વિકેટકીપર બેટ્સમેન ઈશાન કિશન.
ગયા સિઝનના પ્રદર્શનને ધ્યાનમાં રાખીને, હેડ અને અભિષેકને 28 કરોડ રૂપિયામાં રિટેન કરવામાં આવ્યા હતા. બંનેને 14-14 કરોડ રૂપિયા આપવાનો નિર્ણય કાવ્યા મારન દ્વારા લેવામાં આવ્યો હતો. જ્યારે મેગા ઓક્શનમાં ઈશાન કિશન પર 11.25 કરોડ રૂપિયા ખર્ચવામાં આવ્યા હતા.
પરંતુ સિઝનની પહેલી મેચ બાદથી ત્રણેય બેટ્સમેન ફ્લોપ રહ્યા છે. પહેલી મેચમાં હૈદરાબાદે 286 રનનો મોટો સ્કોર બનાવ્યો હતો. આમાં ઈશાને 106 રનની વિસ્ફોટક ઈનિંગ રમી.
પહેલી મેચમાં હેડે 67 રન બનાવ્યા, જ્યારે અભિષેકે પણ 24 રન ઝડપથી બનાવ્યા. આ પછી, ત્રણેય બેટ્સમેન પછીની 4 મેચમાં ખરાબ રીતે ફ્લોપ રહ્યા છે.
હેડે પછીની 4 ઈનિંગ્સમાં ફક્ત 81 રન બનાવ્યા. અભિષેક અને ઈશાનની હાલત વધુ ખરાબ છે. આ 4 ઈનિંગ્સમાં અભિષેકે 27 રન બનાવ્યા છે અને ઈશાને ફક્ત 21 રન બનાવ્યા છે.
આવી સ્થિતિમાં આ પ્રશ્ન ચોક્કસપણે ઊભો થયા છે કે - SRHની માલકિન કાવ્યા મારને આ ત્રણ ખેલાડીઓ પર 39.25 કરોડ ખર્ચી શું ખોટનો સોદો કર્યો છે ? (All Photo Credit : PTI / X / INSTAGRAM)
