IPL 2025 : વિરાટ કોહલીએ બનાવ્યો મોટો રેકોર્ડ, IPLમાં 1000 છગ્ગા-ચોગ્ગા ફટકારીને રચ્યો ઈતિહાસ
દિલ્હી કેપિટલ્સ સામેની મેચમાં વિરાટ કોહલીએ પાવરપ્લેમાં આવતાની સાથે જ એક ફોર અને એક સિક્સર ફટકારી હતી. આ બે બાઉન્ડ્રી સાથે, વિરાટ કોહલીએ IPLમાં આ મોટી સિદ્ધિ હાંસલ કરી હતી. કોહલી IPLમાં 1000 બાઉન્ડ્રી ફટકારનાર પહેલો ખેલાડી બન્યો હતો.
પછી ચોથી ઓવરમાં તે શોટ આવ્યો, જેણે કોહલીના નામે વધુ એક IPL રેકોર્ડ ઉમેર્યો. દિલ્હીના કેપ્ટન અક્ષર પટેલની બોલિંગના ત્રીજા બોલ પર કોહલીએ કવર ઉપર એક શાનદાર શોટ માર્યો અને બોલ સીધો બાઉન્ડ્રી પાર ગયો અને 6 રન બનાવ્યા. આ સાથે કોહલીએ IPLમાં પોતાની 1000 બાઉન્ડ્રી પણ પૂર્ણ કરી.
કોહલીએ IPLની 249 ઈનિંગ્સમાં આ 1000 બાઉન્ડ્રી પૂરી કરી હતી. કુલ મળીને કોહલીએ અત્યાર સુધીમાં 1001 બાઉન્ડ્રી ફટકારી છે, જેમાં 280 સિક્સર અને 721 ફોરનો સમાવેશ થાય છે.
કોહલી આ બાબતમાં એટલો આગળ છે કે બીજો કોઈ બેટ્સમેન તેની નજીક પણ નથી. કોહલી પછી બીજા ક્રમનો સૌથી વધુ રન બનાવનાર ભૂતપૂર્વ ભારતીય બેટ્સમેન શિખર ધવન છે, જેના નામે 920 બાઉન્ડ્રી છે. ડેવિડ વોર્નર (899) ત્રીજા સ્થાને અને રોહિત શર્મા (885) ચોથા સ્થાને છે. ટોપ-5 ની વાત કરીએ તો, પાંચમો બેટ્સમેન ક્રિસ ગેલ છે, જેના બેટે 761 બાઉન્ડ્રી ફટકારી છે.
IPL 2025ની વાત કરીએ તો, વિરાટ કોહલીએ અત્યાર સુધીમાં 5 ઈનિંગ્સમાં 186 રન બનાવ્યા છે, જેમાં 16 ચોગ્ગા અને 8 છગ્ગાનો સમાવેશ થાય છે. તે હાલમાં સૌથી વધુ રન બનાવવાની રેસમાં છઠ્ઠા સ્થાને છે. બાઉન્ડ્રીની બાબતમાં પણ તે સૌથી આગળ છે. તેણે કુલ 49 ચોગ્ગા ફટકાર્યા છે, જેમાં 25 ચોગ્ગા અને 24 છગ્ગાનો સમાવેશ થાય છે. (All Photo Credit : PTI
Published On - 9:20 pm, Thu, 10 April 25
