પેટ કમિન્સની ટીમ બનશે IPL 2024 ચેમ્પિયન, તમે જ જોઈ લો આ ફોટોશૂટનું કનેક્શન
શ્રેયસ અય્યર અને પેટ કમિન્સે આઈપીએલ 2024ની ફાઈનલ પહેલા ટ્રોફી સાથે ફોટોશૂટ કરાવ્યું છે. આ દરમિયાન પેટ કમિન્સ જમણી બાજુ જોવા મળી રહ્યો છે જ્યારે અય્યર ડાબી બાજુએ જોવા મળી રહ્યો છે.
બીસીસીઆઈએ આ ફોટોશૂટના ફોટો આઈપીએલના ઓફિશિયલ સોશિયલ મીડિયા પેજ પર પોસ્ટ કરતાની સાથે જ ચાહકો અનુમાન લગાવવા લાગ્યા કે આ વખતે આઈપીએલ 2024નો ખિતાબ ફક્ત પેટ કમિન્સ જ જીતશે. ચાલો જાણીએ આ પાછળ કારણ શું છે.
કોલકાતા નાઈટ રાઈડર્સ અને સનરાઈઝર્સ હૈદરાબાદ આઈપીએલ 2024 ની ફાઈનલ મેચ આજે ચેન્નાઈના એમએ ચિદમ્બરમ સ્ટેડિયમમાં રમાવાની છે. આ મેચ પહેલા, બંને ટીમોના કેપ્ટન શ્રેયસ અય્યર અને પેટ કમિન્સએ ટ્રોફી સાથે ફોટોશૂટ કરાવ્યું આ ફોટોશૂટમાં શ્રેયસ અય્યર ડાબી બાજુ અને પેટ કમિન્સ જમણી બાજુ ઉભો છે.
ભારતે છેલ્લી બે ICC ફાઈનલ માત્ર પેટ કમિન્સની આગેવાની હેઠળની ટીમ સામે જ રમી છે. જૂનમાં વર્લ્ડ ટેસ્ટ ચેમ્પિયનશિપની ફાઇનલમાં ટીમ ઇન્ડિયાનો સામનો ઑસ્ટ્રેલિયા સામે થયો હતો, જ્યારે નવેમ્બરમાં વર્લ્ડ કપ 2023ની ફાઇનલમાં ભારતનો સામનો કાંગારૂઓ સામે થયો હતો.
જ્યારે આ બે ટાઈટલ મેચના ફોટોશૂટ સામે આવ્યા ત્યારે પેટ કમિન્સ જમણી બાજુએ ઉભા હતા જ્યારે ભારતીય કેપ્ટન રોહિત શર્મા ડાબી બાજુએ હતા. પેટ કમિન્સની ટીમે આ બંને ટાઇટલ મેચ જીતી હતી.
આઈપીએલ 2024 ફાઈનલના ફોટોશૂટમાં પણ કાંઈ આવા જ દર્શ્યો જોવા મળ્યા હતા. આ ફોટોશૂટ વાયરલ થયા બાદ ચાહકો રિએક્શન પણ આપી રહ્યા છે. તો આજે જોવાનું રહેશે કે, આઈપીએલ 2024ની ચેમ્પિયન ટીમ કોણ બને છે.