T20 તો રમી શકું છું… એશિયા કપ માટે પસંદગી ન થવા પર મોહમ્મદ શમીએ મૌન તોડ્યું, આપ્યું મોટું નિવેદન
એશિયા કપ 2025 માટે ટીમ ઈન્ડિયાની જાહેરાત થોડા દિવસો પહેલા કરવામાં આવી હતી. આ ટુર્નામેન્ટ 9 સપ્ટેમ્બરથી યુએઈમાં રમાશે. આ વખતે ભારતીય ફાસ્ટ બોલર મોહમ્મદ શમીને ટીમમાં પસંદ કરવામાં આવ્યો નથી, જેના પર તેણે મોટું નિવેદન આપ્યું છે.
શમીએ કહ્યું - મને મારી ક્ષમતાઓ પર સંપૂર્ણ વિશ્વાસ છે અને જ્યારે પણ મને તક મળશે, ત્યારે હું મારું શ્રેષ્ઠ આપીશ. હું સખત મહેનત કરી રહ્યો છું. જો હું દુલીપ ટ્રોફી રમી શકું છું, તો હું ચોક્કસપણે T20 ક્રિકેટ તો રમી જ શકું છું.'
આંતરરાષ્ટ્રીય ક્રિકેટમાં વાપસી વિશે વાત કરતા શમીએ કહ્યું, 'હું કોઈ અપેક્ષા રાખતો નથી. જો તેઓ મને રમાડશે, તો હું સારું પ્રદર્શન કરવાનો પ્રયાસ કરીશ અને મારું 100% આપીશ. તેઓ મને પસંદ કરશે કે નહીં તે મારા હાથમાં નથી. જો હું દુલીપ ટ્રોફી, પાંચ દિવસીય ક્રિકેટ રમી રહ્યો છું, તો મારે બીજું શું વિચારવાની જરૂર છે.'
બ્રોન્કો ટેસ્ટ વિશે વાત કરતા મોહમ્મદ શમીએ કહ્યું, 'મને બેંગ્લોર બોલાવવામાં આવ્યો હતો, અને મેં ફિટનેસ ટેસ્ટ (બ્રોન્કો) પાસ કરી લીધી છે, અને હવે હું રમવા માટે તૈયાર છું. હું ફિટ છું' (All Photo Credit : PTI / GETTY)
Published On - 10:50 pm, Wed, 27 August 25
