Rishabh Pant Injury : શું ઇજાગ્રસ્ત પંતની જગ્યાએ બીજો કોઈ ખેલાડી બેટિંગ કરશે? ICCનો નિયમ શું છે? જાણો
માન્ચેસ્ટર ટેસ્ટના પહેલા જ દિવસે ટીમ ઈન્ડિયાનું ટેન્શન વધી ગયું છે. વિકેટકીપર-બેટ્સમેન રિષભ પંતને ગંભીર ઈજા થઈ છે. આવી સ્થિતિમાં, સૌથી મોટો પ્રશ્ન એ છે કે, જો પંત આ મેચમાં આગળ નહીં રમે તો શું થશે. શું ભારતીય ટીમને કન્કશનનો વિકલ્પ મળશે?
જે બેટિંગ અને બોલિંગ અને ફીલ્ડિંગ કરી શકે છે. ઉદાહરણ માટે જોઈએ તો જો પંતને માથા પર ઈજા થાય છે તો. ભારત ધ્રુવ જુરેલ જેવા ખેલાડીને કન્કશન સબ્સટીટ્યુટના રુપમાં લેવાની તક આપે છે. જે બેટિંગ અને વિકેટકીપિંગ બંન્ને કરી શકે છે.
પરંતુ પંતને પગ પર ઈજા થઈ છે માથા પર નહી. એટેલે નિયમો હેઠળ ભારતને કન્કશન સબ્સટીટ્યુટની અનુમતિ મળશે નહી. ભારતીય ટીમને એખ સબ્સ્ટીટ્યુટ ફીલ્ડર મળી શકે છે. જે માત્ર ફીલ્ડિંગ કે વિકેટકીપિંગ કરી શકે છે પરંતુ તે ન તો બેટિંગ કરી શકે છે અને ન તો બોલિંગ કરી શકે. ટીમ ઈન્ડિયાના માત્ર 10 ખેલાડીઓ બેટિંગ કરી શકશે.
ભારતીય ઇનિંગ્સની 68મી ઓવરમાં, ક્રિસ વોક્સના ઝડપી યોર્કર બોલે પંતને મુશ્કેલીમાં મુકી દીધો. પંતે આ બોલ પર રિવર્સ-સ્વીપ રમવાનો પ્રયાસ કર્યો, પરંતુ બોલ સીધો તેના શુઝ પર વાગ્યો. આ ઘટના પછી, તેના પગમાંથી લોહી નીકળવા લાગ્યું, અને દુખાવાની તીવ્રતા જોઈને, તેને તાત્કાલિક મેદાનની બહાર લઈ જવામાં આવ્યો. પંતને સીધા મેડિકલ સેન્ટર લઈ જવામાં આવ્યો, જ્યાં તેની ઈજાની સારવાર ચાલી રહી છે.
