IPL 2026: KKR ને મોટો ઝટકો, જેના પર 9.2 કરોડ ખર્ચ્યા તે ખેલાડી આટલા દિવસો માટે IPLમાંથી બહાર
KKR ને IPL 2026 પહેલા મોટો ઝટકો લાગ્યો છે. કોલકાતા નાઈટ રાઈડર્સે સ્ટાર ફાસ્ટ બોલર પર 9.2 કરોડ રૂપિયાનો મોટો દાવ લગાવ્યો હતો, પરંતુ હવે સમાચાર આવ્યા છે કે આ સ્ટાર ખેલાડી 8 દિવસ સુધી IPL માં નહીં રમે.
બાંગ્લાદેશી ફાસ્ટ બોલર મુસ્તફિઝુર રહેમાન, જેણે IPL 2026 મીની ઓક્શનમાં ₹9.2 કરોડની મોટી કિંમત મેળવી હતી, તે આખી સિઝન માટે ઉપલબ્ધ રહેશે નહીં. મુસ્તફિઝુર રહેમાન આઠ દિવસ માટે IPLમાંથી બહાર થઈ ગયો છે.
આ ડાબા હાથના ફાસ્ટ બોલરને KKR દ્વારા મોટી રકમમાં ખરીદવામાં આવ્યો હતો, અને હવે આ સમાચાર એક મોટો ઝટકો છે. મુસ્તફિઝુર રહેમાન આ સમયગાળા દરમિયાન બાંગ્લાદેશ માટે ODI શ્રેણીમાં રમશે. એપ્રિલમાં બાંગ્લાદેશ ન્યુઝીલેન્ડ સામે શ્રેણી રમશે.
IPL 2026 માં મુસ્તફિઝુર રહેમાન માટે ત્રણ ટીમો વચ્ચે બોલીમાં સ્પર્ધા થઈ હતી. દિલ્હી કેપિટલ્સે પહેલી બોલી લગાવી હતી, ત્યારબાદ ચેન્નાઈ સુપર કિંગ્સે બોલી લગાવી હતી. ચેન્નાઈ સુપર કિંગ્સે મુસ્તફિઝુર રહેમાન માટે ₹5.4 કરોડની બોલી લગાવ્યા પછી, KKR એ પણ રસ દર્શાવ્યો હતો. આખરે, KKR મુસ્તફિઝુર રહેમાનને ₹9.2 કરોડમાં ટીમમાં સમાલે કરવામાં સફળ રહ્યું.
મુસ્તફિઝુર રહેમાને IPLમાં પાંચ ટીમો માટે રમી છે. તે દિલ્હી કેપિટલ્સ, ચેન્નાઈ સુપર કિંગ્સ, રાજસ્થાન રોયલ્સ, મુંબઈ ઈન્ડિયન્સ અને સનરાઈઝર્સ હૈદરાબાદ માટે રમી ચૂક્યો છે.
આ ટીમો માટે તેણે 60 મેચ રમી છે, જેમાં તેણે 65 વિકેટ લીધી છે. તેનો ઇકોનોમી રેટ 8.1 રન પ્રતિ ઓવર છે. ગયા સિઝનમાં, મુસ્તફિઝુર રહેમાને દિલ્હી માટે ફક્ત ત્રણ મેચ રમી હતી, જેમાં તેણે ચાર વિકેટ લીધી હતી. (PC:X/PTI)
