RCB New Captain for IPL 2025 : RCBએ નવા કેપ્ટનની જાહેરાત કરી, આ ખેલાડી IPL 2025માં પ્રથમ ખિતાબ જીતવાની જવાબદારી સંભાળશે
રોયલ ચેલેન્જર્સ બેંગ્લોરે IPL 2025 માટે કેપ્ટનના નામની જાહેરાત કરી છે.આ ખેલાડી IPL 2025માં પ્રથમ ખિતાબ જીતવાની જવાબદારી સંભાળશે.
રજત પાટીદાર RCBનો 8મો ખેલાડી હશે. તેમના પહેલા કેવિન પીટરસન, અનિલ કુંબલે, ડેનિયલ વેટ્ટોરી, વિરાટ કોહલી, શેન વોટસન, ફાફ ડુ પ્લેસિસ જેવા મોટા નામો આ ટીમનું નેતૃત્વ કરી ચૂક્યા છે. આરસીબીના કેપ્ટન બન્યા બાદ વિરાટ કોહલીએ પણ રજત પાટીદારને અભિનંદન પાઠવ્યા છે.
IPLમાં RCBના પ્રદર્શનની વાત કરીએ તો, તે લીગની તે ટીમોમાંની એક છે જેણે અત્યાર સુધી એક પણ વખત ખિતાબ જીત્યો નથી.
રોયલ ચેલેન્જર્સ બેંગ્લોર IPL ની 17 સીઝનમાં 9 વખત પ્લેઓફમાં પહોંચ્યું હતું, જેમાંથી તે 3 વખત ફાઇનલમાં પહોંચ્યું હતું. પરંતુ, ક્યારેય ટાઇટલ જીતી શકી નથી. આરસીબીએ 2009, 2011 અને 2016માં આઈપીએલ ફાઇનલ રમી હતી. RCB IPLમાં સૌથી વધુ મેચ જીતનારી ચોથી ટીમ છે. તેણે અત્યાર સુધીમાં કુલ 123મેચ જીતી છે.
જો આપણે 2025 ની IPL સીઝનમાં RCB ટીમની કેપ્ટનશીપ કરનાર રજત પાટીદારના રેકોર્ડ પર નજર કરીએ, તો મેગા T20 લીગમાં અત્યાર સુધી IPLમાં 27 મેચ રમ્યો છે, જેમાં તેણે 24 ઇનિંગ્સમાં બેટિંગ કરતી વખતે 34.74 ની સરેરાશથી કુલ 799 રન બનાવ્યા છે. આ સમયગાળા દરમિયાન, તેના બેટમાંથી 7 અડધી સદી અને એક સદીની ઇનિંગ જોવા મળી.
Published On - 12:18 pm, Thu, 13 February 25
