IPL 2025 : બીજીવાર હાર્દિક પંડ્યા એ કરી આ મોટી ભૂલ, આવ્યો લાખોનો દંડ
હાર્દિક પંડ્યા પર IPL 2025 ની પહેલી મેચમાંથી પ્રતિબંધ મૂકવાનું કારણ. તેણે પોતાની કમબેક મેચમાં પણ આ જ ભૂલનું પુનરાવર્તન કર્યું. મેચની વચ્ચે જ અમ્પાયરોએ તેની ટીમને સજા આપી. આ ઉપરાંત, BCCIએ 12 લાખ રૂપિયાનો દંડ પણ ફટકાર્યો છે.
IPL દ્વારા જારી કરાયેલા સત્તાવાર મીડિયા રિલીઝમાં કહેવામાં આવ્યું છે કે, "અમદાવાદના નરેન્દ્ર મોદી સ્ટેડિયમમાં ગુજરાત ટાઇટન્સ સામે ઇન્ડિયન પ્રીમિયર લીગ (IPL) 2025 ની મેચ નંબર 9 દરમિયાન ધીમી ઓવર રેટ જાળવી રાખવા બદલ મુંબઈ ઇન્ડિયન્સના કેપ્ટન હાર્દિક પંડ્યા પર દંડ ફટકારવામાં આવ્યો છે. IPL આચાર સંહિતાના કલમ 2.2 હેઠળ, જે ન્યૂનતમ ઓવર-રેટના ગુનાઓ સાથે સંબંધિત છે, તે હેઠળ સીઝનમાં તેની ટીમનો આ પહેલો ગુનો હોવાથી, પંડ્યા પર 12 લાખ રૂપિયાનો દંડ ફટકારવામાં આવ્યો છે."
તમને જણાવી દઈએ કે આ વખતે IPLમાં, સ્લો ઓવર રેટના ત્રણ ગુના છતાં કોઈપણ ખેલાડી પર પ્રતિબંધ મૂકવામાં આવશે નહીં. આ વખતે BCCI દ્વારા ડિમેરિટ પોઈન્ટ સિસ્ટમ લાગુ કરવામાં આવી છે. ગયા સિઝનમાં, દિલ્હી કેપિટલ્સના કેપ્ટન એક મહત્વપૂર્ણ મેચમાંથી બહાર થઈ ગયા હતા. તે જ સમયે, હાર્દિક પંડ્યાને તેની પાછલી સીઝનના કારણે આ સીઝનમાં એક મેચનો પ્રતિબંધ સહન કરવો પડ્યો હતો. (All Image - Canva)
Published On - 6:39 pm, Sun, 30 March 25
