IPL 2025 : જો ધોની 10 ઓવર સુધી બેટિંગ કરી શકતો નથી તો તે કેમ રમી રહ્યો છે ? જાણો કારણ
ચેન્નાઈ સુપર કિંગ્સે IPL 2025માં પોતાની છેલ્લી બે મેચ હારી છે. ચેન્નાઈની આ હાર વચ્ચે કોચ સ્ટીફન ફ્લેમિંગે એક એવું નિવેદન આપ્યું છે ખરેખર ચોંકાવનારું છે. ફ્લેમિંગે કહ્યું કે ધોની 10 ઓવરથી વધુ રમી શકતો નથી. હવે પ્રશ્ન એ છે કે ચેન્નાઈ સુપર કિંગ્સ સંપૂર્ણપણે ફિટ ન હોવા છતાં ધોનીને તક કેમ આપી રહી છે. ચાલો તમને આનું કારણ જણાવીએ.
ભલે ઋતુરાજ ગાયકવાડ ચેન્નાઈ સુપર કિંગ્સનો કેપ્ટન હોય, પણ એ વાત કોઈથી છુપાયેલી નથી કે ચેન્નાઈનું નેતૃત્વ ધોનીના હાથમાં છે. મેદાન પર હોય કે બહાર, દરેક મોટો નિર્ણય ધોનીની સલાહ લીધા પછી જ લેવામાં આવે છે. તેની આ તાકાત જ તેને દરેક મેચમાં રમાડવા માટે પૂરતી છે.
ધોની ચેન્નાઈ સુપર કિંગ્સનું સૌથી મોટું નામ અને ટીમનો ચહેરો છે. ચેન્નાઈ સુપર કિંગ્સ એટલે ધોની. હજારોની સંખ્યામાં ચાહકો સ્ટેડિયમમાં પહોંચે છે અને તેનું કારણ ધોની છે.
ધોનીના ચહેરા અને તેના વ્યક્તિત્વને કારણે, ચેન્નાઈ સુપર કિંગ્સને ઘણો આર્થિક ફાયદો થાય છે અને આ જ કારણ છે કે ધોની લગભગ 44 વર્ષનો હોવા છતાં મેદાનમાં રમી રહ્યો છે.
ધોની પોતે સોશિયલ મીડિયા પર સક્રિય નથી, પણ જ્યારે ચેન્નાઈ ટીમ તેનો વીડિયો કે ફોટો ઈન્સ્ટાગ્રામ કે અન્ય કોઈ સોશિયલ મીડિયા પ્લેટફોર્મ પર પોસ્ટ કરે છે ત્યારે શું થાય છે તે તમે જાણો છો. ધોનીના કારણે, ચેન્નાઈએ સોશિયલ મીડિયા પિચ પર પણ પોતાની છાપ છોડી છે.
આવી સ્થિતિમાં, એ સ્પષ્ટ છે કે કોઈપણ ટીમ એવા ખેલાડીને કેમ બહાર કરશે જે તમારા માટે નામ અને પૈસા બંને લાવે છે. જોકે, ક્યાંક ને ક્યાંક ચેન્નાઈ સુપર કિંગ્સને આના કારણે નુકસાન થઈ રહ્યું છે. (All Photo Credit : PTI)
