વિરાટ કોહલી RCBનો કેપ્ટન કેમ ન બન્યો? રજત પાટીદારને કમાન સોંપવાના છે આ 5 મોટા કારણો
રોયલ ચેલેન્જર્સ બેંગલુરુએ IPL 2025 માટે તેના નવા કેપ્ટનની જાહેરાત કરી છે. ટીમે આ જવાબદારી રજત પાટીદારને સોંપી છે. મોટી વાત એ છે કે આ રેસમાં વિરાટ કોહલીનું નામ ટોપ પર હતું, પરંતુ RCB મેનેજમેન્ટે રજતને કેપ્ટન તરીકે પસંદ કર્યો. RCBના આ નિર્ણયથી ચાહકો ખૂબ ખુશ છે પણ જો વિરાટ ફરીથી કેપ્ટન બન્યો હોત તો તેઓ વધુ ખુશ થાત, જોકે આવું બન્યું નહીં. હવે ચાલો તમને જણાવીએ કે વિરાટ કોહલી કેપ્ટન કેમ ન બન્યો અને તેના સ્થાને રજત પાટીદારને કેપ્ટનશીપ કેમ સોંપવામાં આવી.
પહેલું કારણ : રજત પાટીદારના કેપ્ટન બનવાનું સૌથી મોટું કારણ વિરાટ કોહલી છે. હકીકતમાં RCBએ વિરાટની સાથે ચર્ચા કર્યા પછી જ આ નિર્ણય લીધો છે. વિરાટ પોતે કેપ્ટનશીપની ભૂમિકા ભજવવામાં રસ ધરાવતો ન હતો અને તેના પછી ટીમનો શ્રેષ્ઠ બેટ્સમેન રજત પાટીદાર હતો. આ જ કારણ છે કે આ ખેલાડીને કેપ્ટનશીપ સોંપવામાં આવી.
બીજું કારણ : વિરાટ કોહલી RCBના કેપ્ટન ન બનવાનું બીજું કારણ તેની ઉંમર છે. વિરાટ કોહલી 37 વર્ષનો છે અને સ્વાભાવિક છે કે દરેક ટીમ ઇચ્છે છે કે તેનો કેપ્ટન યુવાન હોય. આ સિવાય મોટી વાત એ છે કે વિરાટ કોહલીની રમત પહેલા જેવી નથી રહી. વિરાટ કેપ્ટનશીપનો બોજ લઈને પોતાની રમતને વધુ પ્રભાવિત કરવા માંગશે નહીં.
ત્રીજું કારણ : RCBને ફક્ત એક સિઝન માટે કેપ્ટન પસંદ કરવાની જરૂર નહોતી. આ ટીમ આગામી 3-4 સિઝન માટે કેપ્ટન નિયુક્ત કરવા માંગતી હતી. રજત પાટીદાર આ સ્લોટમાં ફિટ બેસે છે. રજત પાટીદાર સિવાય આ રેસમાં બીજો કોઈ ખેલાડી નહોતો.
ચોથું કારણ : રજત પાટીદાર ઘણા સમયથી ફર્સ્ટ ક્લાસ ક્રિકેટ રમી રહ્યો છે. તે મધ્યપ્રદેશનો કેપ્ટન પણ છે. T20 ફોર્મેટમાં તેની કેપ્ટનશીપ શૈલીની ઘણીવાર પ્રશંસા થાય છે. તેને ખૂબ જ આક્રમક કેપ્ટન માનવામાં આવે છે. રજતે 16 T20 મેચોમાં કેપ્ટનશીપ કરી છે, જેમાંથી તેણે 12 મેચ જીતી છે. તેની જીતની ટકાવારી 75 ટકા છે.
પાંચમું કારણ : રજત પાટીદાર એક નીડર બેટ્સમેન છે. કેપ્ટનશીપનું દબાણ તેના પર હાવી થતું નથી. તાજેતરમાં જ તેણે સૈયદ મુશ્તાક અલી ટ્રોફીમાં આ વાતનો પુરાવો આપ્યો. મધ્યપ્રદેશ માટે આ ખેલાડીએ 186 ના સ્ટ્રાઇક રેટથી 428 રન બનાવ્યા, જેમાં 5 અડધી સદીનો સમાવેશ થાય છે. (All Photo Credit : X / RCB / PTI)
