IPL 2024: DC vs KKRની મેચમાં દિલ્હીના કેપ્ટન ઋષભ પંતે કરેલી આ બે ભૂલ બની ટીમની હારનું કારણ
IPL 2024માં કોલકાતા નાઈટ રાઈડર્સ (KKR) અને દિલ્હી કેપિટલ્સ (DC) વચ્ચેની મેચમાં કેપ્ટન ઋષભ પંતએ કરેલી ભૂલ ચર્ચાનો વિષય બની હતી. જેણે કારણે દિલ્હીએ આ મેચ હરવાનો વારો આવ્યો હતો. કારણ કે અમ્પાયરે સુનીલ નારાયણની બેટિંગ પર ઋષભ પંતને DRS આપવાનો ઈન્કાર કર્યો હતો, જ્યારે KKR સ્ટાર માત્ર 18 રને બેટિંગ કરી રહ્યો હતો. જે બાદ તેણે માત્ર 39 બોલમાં 85 રનની ઇનિંગ રમી હતી. જે મોટો ટાર્ગેટ બનાવવામાં સફળ થવા સાથે દિલ્લી માટે ખુબ મોંઘો સાબિત થયો હતો.
આ DRS નો સમય ચૂક્યા ત્યારે નારાયણ 12 બોલ રમ્યો હતો અને માત્ર 18 રન જ બનાવ્યા હતા. આ નિર્ણયથી કેપિટલ્સને મોટું નુકસાન થયું હતું કારણ કે આ ઘટના પછી વિન્ડીઝના દિગ્ગજ ખેલાડીએ માત્ર 27 બોલમાં 67 રન બનાવ્યા હતા. નારાયણની ઈનિંગ્સે KKR માટે IPL ઈતિહાસમાં સૌથી મોટો સ્કોર બનાવવાનો તખ્તો તૈયાર કર્યો છે. 10 ઓવરમાં KKR ના બોર્ડ પર 135 રન હતા જ્યારે મેચની 16મી ઓવરમાં તેણે 200નો આંકડો પાર કરી લીધો હતો.
કેપ્ટન પંતની બીજી ભૂલ મોટી નહોતી, પણ ભૂલ એ ભૂલ છે. વાસ્તવમાં, દિલ્હીના બોલર રસિક સલામે KKRના કેપ્ટન શ્રેયસ અય્યરને આઉટ કર્યો હતો, પરંતુ અમ્પાયરે તેને નકારી દીધો હતો. આ વખતે પણ મામલો કેચ પાછળ એટલે કે કીપર કેચનો હતો. રસિક સલામે કેપ્ટન પંતને DRS લેવા કહ્યું, પરંતુ તેણે આ વખતે પણ ના પાડી દીધી. આ પછી અય્યરે 2 છગ્ગા ફટકારીને ટીમ માટે થોડું યોગદાન આપ્યું. અય્યરે 11 બોલમાં 2 સિક્સરની મદદથી 18 રન બનાવ્યા હતા.
