ઓસ્ટ્રેલિયા પ્રવાસ માટે ભારત A ટીમની જાહેરાત, આ ખેલાડી બન્યો કેપ્ટન, ઈશાન કિશનની વાપસી
ભારતીય ક્રિકેટ કંટ્રોલ બોર્ડે ઓસ્ટ્રેલિયા પ્રવાસ માટે ભારત A ટીમની જાહેરાત કરી છે. આ ટીમ ઓસ્ટ્રેલિયા A સામે 2 ફર્સ્ટ ક્લાસ મેચ અને સિનિયર ભારતીય ટીમ સામે 3 ઈન્ટ્રા-સ્કવોડ મેચ રમશે. ઈશાન કિશન આ ટીમમાં પોતાની જગ્યા બનાવવામાં સફળ રહ્યો છે.
ઈશાન કિશનને તેની સારી રમતનું ઈનામ પણ મળ્યું છે. તાજેતરમાં, તેણે એક પછી એક ઘણી શાનદાર ઈનિંગ્સ રમી છે, જેના કારણે તે ઈન્ડિયા A ટીમમાં પોતાનું સ્થાન બનાવવામાં સફળ રહ્યો છે.
ઈશાન કિશનને છેલ્લે 2023-24ના દક્ષિણ આફ્રિકા પ્રવાસ માટે ટીમ ઇન્ડિયાની ટીમમાં સામેલ કરવામાં આવ્યો હતો. પરંતુ તે પ્રવાસની વચ્ચે ભારત પરત ફર્યો હતો. આ પછી BCCIએ પણ તેને સેન્ટ્રલ કોન્ટ્રાક્ટમાંથી બહાર કરી દીધો હતો. આવી સ્થિતિમાં ભારત Aમાં આવવું તેના માટે સારા સમાચાર છે. હવે તેની નજર સિનિયર ટીમમાં જગ્યા બનાવવા પર છે.
ભારત A ટીમ : ઋતુરાજ ગાયકવાડ (કેપ્ટન), અભિમન્યુ ઈશ્વરન (વાઈસ-કેપ્ટન), સાઈ સુદર્શન, નીતીશ કુમાર રેડ્ડી, દેવદત્ત પડિકલ, રિકી ભુઈ, બાબા ઈન્દ્રજીત, ઈશાન કિશન (વિકેટકીપર), અભિષેક પોરેલ (વિકેટકીપર), મુકેશ કુમાર, ખલીલ અહેમદ, યશ દિનલાલ, નવદીપ સૈની, માનવ સુથાર, તનુષ કોટિયન. (All Photo Credit : PTI / Getty Images)
