Team India : એશિયા કપ બાદ, ભારતીય ટીમ અમદાવાદના નરેન્દ્ર મોદી સ્ટેડિયમમાં એક્શનમાં જોવા મળશે
ભારત અને વેસ્ટઈન્ડિઝ વચ્ચે 2 મેચની ટેસ્ટ સીરિઝની શરુઆત 2 ઓક્ટોમ્બરથી થઈ રહી છે. પહેલી મેચ અમદાવાદના નરેન્દ્ર મોદી સ્ટેડિયમમાં રમાશે. હેડ કોચ દુબઈથી સીધો અમદાવાદ પહોંચ્યો છે.
એશિયા કપ 2025ની ફાઈનલમાં ભારતે પાકિસ્તાનને 5 વિકેટ હરાવ્યું હતુ. ટીમ ઈન્ડિયા 9મી વખત ચેમ્પિયન બની છે. એશિયા કપ પછી હવે ટીમ ઈન્ડિયા ટેસ્ટ સીરિઝ માટે મેદાનમાં ઉતરશે. આની શરુઆત અમદાવાદના નરેન્દ્ર મોદી સ્ટેડિયમથી થશે.
એશિયા કપ પૂર્ણ થતાં જ ટીમ ઈન્ડિયા ફરી એક વખત એક્શનમાં આવવા માટે તૈયાર છે. એશિયા કપ 2025માં ભારતીય ટીમ વિજેતા રહી છે. ફાઈનલમાં પાકિસ્તાનને 5 વિકેટથી હરાવ્યું હતુ. એશિયા કપમાં સૂર્યકુમાર યાદવની કેપ્ટનશીપમાં ટીમનું શાનદાર પ્રદર્શન રહ્યું હતુ.
તમને જણાવી દઈએ કે, એશિયા કપ પૂર્ણ થયા પછી હવે ટીમ ઈન્ડિયા ટેસ્ટ ક્રિકેટ માટે મેદાનમાં ઉતરશે. ભારતીય ટીમ વેસ્ટઈન્ડિઝ સાથે 2 ટેસ્ટ મેચની સીરિઝ રમશે. શુભમન ગિલની કેપ્ટનશીપમાં સીરિઝની શરુઆત 2 ઓક્ટોમ્બરથી થશે.
ભારત અને વેસ્ટઈન્ડિઝ વચ્ચે સીરિઝી પહેલી મેચ અમદાવાદના નરેન્દ્ર મોદી ક્રિકેટ સ્ટેડિયમમાં રમાશે. બીજી ટેસ્ટ મેચ દિલ્હીના અરુણ જેટલી ક્રિકેટ સ્ટેડિયમમાં રમાશે. ભારત અને વેસ્ટ ઈન્ડિઝ વચ્ચે 2 ટેસ્ટ મેચ સીરિઝનું પ્રસારણ સ્ટાર નેટવર્ક પર કરવામાં આવશે. સ્ટાર સ્પોર્ટસની અલગ અલગ ભાષામાં આ ટેસ્ટ સીરિઝનું લાઈવ ટેલિકાસ્ટ જોઈ શકો છો.
આ સિવાય તમે હોટસ્ટાર પર આ ટેસ્ટ સીરિઝનું લાઈવ સ્ટ્રીમિંગ જોઈ શકો છો.ભારતીય ક્રિકેટ ટીમ હવે વેસ્ટ ઇન્ડીઝ સામે સિરીઝ રમવાની તૈયારી કરી રહી છે.
ભારતની ટેસ્ટ ટીમ : શુભમન ગિલ,યશસ્વી જ્યસ્વાલ, કે.એલ રાહુલ, દેવદત્ત પેડિક્કલ, સાંઈ સુદર્શન, ધ્રુવ જુરેલ, રવિન્દ્ર જાડેજા , વોશિગ્ટન સુંદર, જસપ્રીત બુમરાહ, અક્ષર પટેલ, નીતિશ કુમાર રેડ્ડી, મોહમ્મદ સિરાજ, પ્રસિદ્ધ કૃષ્ણા, કુલદીપ યાદવ અને નારાયણ જગદીશન
