114 બોલમાં બેવડી સદી, સતત 5 સદી, હવે ટીમ ઈન્ડિયામાં રિષભ પંતની જગ્યાએ થયો સામેલ
રિષભ પંતને માન્ચેસ્ટર ટેસ્ટમાં પગમાં ઈજા થઈ હતી, જેના કારણે તે શ્રેણીમાં આગળ ભાગ લઈ શકશે નહીં. તેના સ્થાને ઈશાન કિશનને પસંદ કરવાની ચર્ચા થઈ રહી હતી પરંતુ હવે તમિલનાડુના વિકેટકીપરને તેના સ્થાને આ તક મળી છે.
કારણ કે પસંદગી સમિતિ પહેલા પંતના સ્થાને ઈશાન કિશનને પસંદ કરવાનું વિચારી રહી હતી. પરંતુ જાણવા મળ્યું કે ઈશાન પણ હાલમાં ઈજાગ્રસ્ત છે અને તે ટીમનો ભાગ બની શકે નહીં. આવી સ્થિતિમાં, પસંદગી સમિતિએ નવા વિકલ્પ પર વિચાર કર્યો અને પછી જગદીશન પર સંમતિ આપી.
જગદીશન છેલ્લા ઘણા વર્ષોથી ઘરેલુ ક્રિકેટમાં સક્રિય છે અને ત્રણેય ફોર્મેટમાં તમિલનાડુનું પ્રતિનિધિત્વ કરી ચૂક્યો છે. પરંતુ છેલ્લા 2-3 સિઝન તેના માટે શાનદાર રહ્યા છે, જ્યાં તેણે દરેક ફોર્મેટમાં શાનદાર પ્રદર્શન કર્યું છે.
જગદીશનના ફર્સ્ટ ક્લાસ રેકોર્ડની વાત કરીએ તો, આ બેટ્સમેન તમિલનાડુ માટે 52 મેચ રમ્યો છે, જેમાં તેણે 47.50ની મજબૂત સરેરાશ સાથે 3373 રન બનાવ્યા છે. જેમાં 10 સદી અને 14 અડધી સદીનો સમાવેશ થાય છે. ખાસ વાત એ છે કે જગદીશનએ ત્રેવડી સદી પણ ફટકારી છે. તેણે 321 રનની શાનદાર ઈનિંગ રમી હતી.
જોકે જગદીશનને ટેસ્ટ મેચ માટે પસંદ કરવામાં આવ્યો છે અને તેનો ફર્સ્ટ ક્લાસ રેકોર્ડ પણ મજબૂત છે. પરંતુ છેલ્લા કેટલાક વર્ષોમાં, તેણે પોતાની વિસ્ફોટક અને સતત રન-સ્કોરિંગ બેટિંગથી ODI ક્રિકેટમાં જબરદસ્ત છાપ છોડી
જગદીશને 2022માં વિજય હજારે ટ્રોફીની એક મેચમાં 141 બોલમાં 277 રનની ધમાકેદાર ઈનિંગ રમી હતી. તેણે 114 બોલમાં બેવડી સદી ફટકારી હતી. જગદીશને લિસ્ટ-A ક્રિકેટ (ODI)ના ઈતિહાસમાં સૌથી મોટી ઈનિંગનો વર્લ્ડ રેકોર્ડ પણ બનાવ્યો છે. તેણે સતત 5 લિસ્ટ-A મેચમાં સદીનો વર્લ્ડ રેકોર્ડ પણ બનાવ્યો છે. (All Photo Credit : PTI / X)
