IND vs ENG : જો રૂટે ભારત સામે 3000 રન બનાવીને ઈતિહાસ રચ્યો, સચિનનો આ રેકોર્ડ પણ જોખમમાં
જો રૂટે ટીમ ઈન્ડિયા સામે લોર્ડ્સ ટેસ્ટમાં અડધી સદી ફટકારી હતી. આ ખેલાડીએ ટેસ્ટ ક્રિકેટમાં 67મી વખત આ સિદ્ધિ મેળવી હતી. એટલું જ નહીં, જો રૂટે ભારત સામે 3000 ટેસ્ટ રન પણ પૂરા કર્યા હતા.
જો રૂટ મેદાન પર હોય અને કોઈ રેકોર્ડ તૂટે નહીં તે અશક્ય છે. લોર્ડ્સના ઐતિહાસિક મેદાન પર પણ આવું જ કંઈક જોવા મળ્યું. જો રૂટે શાનદાર પ્રદર્શન કર્યું છે અને ભારત સામે એવો રેકોર્ડ બનાવ્યો છે કે તેને હાંસલ કરવો એ અન્ય બેટ્સમેન માટે સ્વપ્ન જેવું છે.
જો રૂટે ભારત સામે 3000 ટેસ્ટ રન બનાવવાની સિદ્ધિ હાંસલ કરી છે. જો રૂટ આ સિદ્ધિ મેળવનાર એકમાત્ર ક્રિકેટર છે. રૂટ પહેલા, રિકી પોન્ટિંગે ભારત સામે સૌથી વધુ 2555 રન બનાવ્યા હતા.
ભારત સામે જો રૂટની ટેસ્ટમાં સરેરાશ 55 થી વધુ છે. એટલું જ નહીં તેણે ટીમ ઈન્ડિયા સામે 10 સદી પણ ફટકારી છે.
જો રૂટે લોર્ડ્સમાં ભારત સામે 3000 રન પૂરા કરવાની સાથે સચિન તેંડુલકરના એક રેકોર્ડથી પોતાનું અંતર પણ ઘટાડ્યું હતું.
જો રૂટે ટેસ્ટ ક્રિકેટમાં 67 અડધી સદી ફટકારી છે. હવે તે સચિનથી ફક્ત એક અડધી સદી પાછળ છે. સચિને ટેસ્ટમાં સૌથી વધુ 68 અડધી સદી ફટકારી છે. (All Photo Credit : Getty Images)
Published On - 10:02 pm, Thu, 10 July 25
