IND vs AUS : જસપ્રીત બુમરાહની પાસે ટી20 સીરિઝમાં રેકોર્ડ બનાવવાની તક, અશ્વિનને છોડી શકે છે પાછળ
IND vs AUS : ભારત અને ઓસ્ટ્રેલિયા વચ્ચે 29 ઓક્ટોબરના રોજ રમાનારી 5 મેચની ટી20 સીરિઝમાં ટીમ ઈન્ડિયાના ફાસ્ટ બોલર જસપ્રીત બુમરાહના પ્રદર્શન પર તમામની નજર રહેશે. જેનું એશિયા કપ 2025માં આશા અનુસાર પ્રદર્શન જોવા મળ્યું ન હતુ.
જસપ્રીત બુમરાહે અત્યારસુધી 3 ફોર્મેટમાં ઓસ્ટ્રેલિયામાં શાનદાર પ્રદર્શન કર્યું છે. જેમાં હવે 5 મેચની ટી20 સીરિઝણાં તેની પાસે ટીમ ઈન્ડિયાના પૂર્વ ખેલાડી રવિચંદ્રન અશ્વિનને પાછળ છોડવાની તક છે.
ભારત તરફથી ઓસ્ટ્રેલિયામાં સૌથી વધારે ટી20 ઈન્ટરનેશનલ વિકેટ લેવાના મામલે હજુ અશ્વિન નંબર વન પર છે. જેમણે 11 મેચમાં 11 વિકેટ લીધી છે.
બુમરાહ હજુ પણ આ લિસ્ટમાં ચોથા સ્થાને છે. જેમાં તેમણે અત્યારસુધી ઓસ્ટ્રેલિયામાં 6 ટી20 ઈન્ટરનેશલ મેચ રમી છે અને જેમાં તેમણે 8 વિકેટ લીધી છે. ત્યારે બુમરાહની પાસે આ સીરિઝમાં જો 4 વિકેટ લે છે તો તે પહેલા નંબર પર પહોંચી જશે.
ઓસ્ટ્રેલિયામાં T20Iમાં ભારતીય બોલર દ્વારા લેવામાં આવેલી સૌથી વધુ વિકેટોની વાત કરીએ તો રવિચંદ્રન અશ્વિન 11 વિકેટ, હાર્દિક પંડ્યા -11 વિકેટ, અર્શદીપ સિંહ-10 વિકેટ અને જસપ્રીત બુમરાહની 8 વિકેટ સામેલ છે.
Published On - 10:41 am, Wed, 29 October 25
