IPL 2025 : વિરાટ કોહલીના પગારમાંથી 8 કરોડ કપાશે, 21 કરોડમાંથી ફક્ત 13 કરોડ જ મળશે, આ છે કારણ
જ્યારથી વિરાટ કોહલીએ રોયલ ચેલેન્જર્સ બેંગલુરુ (RCB) માટે ડેબ્યૂ કર્યું છે, ત્યારથી તે ફ્રેન્ચાઈઝી માટે સૌથી મહત્વપૂર્ણ ખેલાડી રહ્યો છે. IPL 2025મા, RCBએ તેને 21 કરોડ રૂપિયામાં રિટેન કર્યો હતો પરંતુ તેને ફક્ત 13 કરોડ રૂપિયા જ મળશે. 8 કરોડ રૂપિયા તેના પગારમાંથી કાપવામાં આવશે. આ પાછળનું કારણ શું? જાણો આ આર્ટીકલમાં.
આનો અર્થ એ થયો કે કોહલીએ તેના 21 કરોડ રૂપિયાના પગાર પર 30% ટેક્સ ચૂકવવો પડશે, કારણ કે તેની આવક 15 લાખ રૂપિયાથી વધુ છે. આ હિસાબે, ટેક્સ 6.3 કરોડ રૂપિયા આવે છે.
જો આવક 5 કરોડ રૂપિયાથી વધુ હોય તો ટેક્સ ઉપરાંત 25% સરચાર્જ પણ ચૂકવવો પડશે. આ મુજબ, તેના પગારમાંથી બીજા 1.57 કરોડ રૂપિયા કાપવામાં આવશે.
આ પછી કોહલીને કુલ ટેક્સ પર 4% સેસ તરીકે 31 લાખ રૂપિયા અલગથી ચૂકવવા પડશે. આ રીતે, કોહલીના પગારમાંથી કુલ 8.185 કરોડ રૂપિયા કાપવામાં આવશે અને તેને ફક્ત 12.815 કરોડ રૂપિયા (લગભગ 13 કરોડ રૂપિયા) મળશે.
વિરાટ કોહલીએ 2008માં IPLમાં પોતાની સફર શરૂ કરી હતી. તે સમયે તેમનો પગાર ફક્ત 12 લાખ રૂપિયા હતો. 3 સિઝન પછી 2011માં તે વધીને 8.28 કરોડ થઈ ગયો.
જ્યારે, 2014 થી 2017 સુધી તેનો પગાર 12 કરોડ રૂપિયા હતો, જે 2018 થી 2021 સુધી 17 કરોડ રૂપિયા સુધી પહોંચી ગયો. તેને 2022 થી 2024 સુધી 15 કરોડ રૂપિયા મળ્યા હતા, અને હવે તેમનો પગાર 21 કરોડ રૂપિયા થઈ ગયો છે. (All Photo Credit : PTI)
Published On - 6:17 pm, Fri, 28 March 25
