Harbhajan singh family Tree: ક્રિકેટ અને બોલીવુડની સુંદર અભિનેત્રીના દિલ પર રાજ કરનાર હરભજન સિંહના પરિવાર વિશે જાણો
વિશ્વ ક્રિકેટમાં એવા ઘણા સ્ટાર્સ છે જેમના નામથી મોટા ખેલાડીઓ ડરતા હતા. જો બેટ્સમેન વિસ્ફોટક હોય તો બોલરોમાં ડર હતો અને જો બોલર ખતરનાક હોય તો બેટ્સમેનોને ડર લાગતો હતો. ભારતીય ક્રિકેટમાં એવા સ્ટારનો ઉદય થયો કે આખી ઓસ્ટ્રેલિયન ટીમ હેરાન રહી ગઈ. પોતાની પહેલી જ સિરીઝમાં હેટ્રિક સાથે 32 વિકેટ લઈને તેણે એવી છાપ ઉભી કરી કે જેને આજે પણ કોઈ ભૂલી શક્યું નથી.
આજે હરભજન સિંહનો જન્મદિવસ છે. ભારતીય ક્રિકેટના સુપરસ્ટાર ટર્બનેટર તરીકે જાણીતા હરભજન સિંહને કોઈ ઓળખની જરૂર નથી.ઓસ્ટ્રેલિયા સામે ટેસ્ટ ડેબ્યૂ સિરીઝ એવી છે જેણે ઇતિહાસ રચ્યો છે.તેણે સિરીઝમાં કુલ 32 વિકેટ લીધી હતી અને ટેસ્ટ મેચની શરૂઆત જ હતી. ભારતીય ટીમે સિરીઝ પણ કબજે કરી લીધી હતી.
હરભજન સિંહની માતાનું નામ અવતાર કૌર અને પિતાનું નામ સરદાર સરદેવ સિંહ છે. જેના પુત્રને આજે સૌ કોઈ જાણે છે.અનિલ કુંબલે પછી હરભજન સિંહ ભારત તરફથી આંતરરાષ્ટ્રીય ક્રિકેટમાં 700 થી વધુ વિકેટ લેનાર માત્ર બીજો સ્પિનર છે. વર્ષ 2007માં, તે ICC T20 વર્લ્ડ કપ જીતનાર ટીમનો ભાગ હતો જ્યારે 2011 માં ICC ODI વર્લ્ડ કપ. બંને ટૂર્નામેન્ટમાં ભારતીય ટીમની કમાન મહેન્દ્ર સિંહ ધોનીના હાથમાં હતી.
હરભજન સિંહને 5 બહેનો છે. આ 5 બહેનોને ભજ્જી ખુબ પ્રેમ કરે છે, તહેવારો પર બહેનો સાથે ફોટા પણ શેર કરે છે, હરભજન સિંહે 103 ટેસ્ટ, 236 ODI અને 28 T20 આંતરરાષ્ટ્રીય મેચ રમી છે. આમાં તેની ટેસ્ટમાં 417 વિકેટ છે, જેમાં તેણે 25 વખત એક ઇનિંગમાં 5 વિકેટ લીધી છે. ODIની વાત કરીએ તો અહીં 269 વિકેટ છે જ્યારે T20માં ભજ્જીએ માત્ર 25 વિકેટ લીધી છે. હરભજને ટેસ્ટ ક્રિકેટમાં 2 સદી અને 9 અડધી સદી ફટકારી છે.
વર્ષ 2015માં તેણે જલંધરમાં તેની લાંબા સમયની ગર્લફ્રેન્ડ અને બોલિવૂડ અભિનેત્રી ગીતા બસરા સાથે લગ્ન કર્યા. બંને એક પુત્રી હિનાયા અને એક પુત્રના માતા-પિતા છે.ભારતના દિગ્ગજ સ્પિનર હરભજન સિંહ પાંચ બહેનોનો એકમાત્ર ભાઈ છે.
ગીતા બસરાએ વર્ષ 2006માં ફિલ્મ 'દિલ દિયા હૈ'થી બોલિવૂડમાં એન્ટ્રી કરી હતી. તેની બીજી ફિલ્મ 'ધ ટ્રેન' વર્ષ 2007માં રિલીઝ થઈ હતી અને તેનું સુપરહિટ ગીત 'વો અજનબી' હતું. ગીતા છેલ્લે વર્ષ 2016માં પંજાબી ફિલ્મમાં જોવા મળી હતી. બોલિવૂડમાં તેને વધારે સફળતા મળી નથી. 2006 થી 2016 ની વચ્ચે તેની પાસે માત્ર 7 ફિલ્મો હતી. જેમાંથી એક પંજાબી હતી. તેની છેલ્લી બોલિવૂડ ફિલ્મ 2015માં આવેલી 'સેકન્ડ હેન્ડ હસબન્ડ' હતી, જે ફ્લોપ રહી હતી. (photo : geeta basra instagram)
Published On - 10:09 am, Mon, 3 July 23