IND vs SA : સાઉથ આફ્રિકા સામે સિરીઝ જીત બાદ ટીમ ઈન્ડિયામાં નહીં જોવા મળે સૂર્યકુમાર યાદવ ! આ છે કારણ
સૂર્યકુમાર યાદવની કપ્તાનીમાં ટીમ ઈન્ડિયાએ 6 વર્ષ બાદ દક્ષિણ આફ્રિકામાં T20 શ્રેણી જીતી છે. આ શ્રેણીમાં સુકાની તરીકે સૂર્યકુમાર યાદવે શાનદાર પ્રદર્શન કર્યું હતું. પરંતુ હવે ભારતીય ચાહકો તેને મિસ કરશે. વાસ્તવમાં, તે હવે લાંબા વિરામ બાદ ભારતીય ટીમ માટે રમતો જોવા મળશે.
સ્ટાર ઓલરાઉન્ડર હાર્દિક પંડ્યા પણ માત્ર સફેદ બોલ ક્રિકેટ જ રમે છે. આવી સ્થિતિમાં હાર્દિક પંડ્યા પણ વર્ષ 2025માં જ ટીમ ઈન્ડિયા માટે રમશે.
સૂર્યકુમાર યાદવને આ વર્ષે શ્રીલંકા પ્રવાસ પહેલા ભારતીય T20 ટીમની કમાન મળી હતી. તેની કપ્તાનીમાં ભારતીય T20 ટીમનું પ્રદર્શન ખૂબ જ યાદગાર રહ્યું. ટીમ ઈન્ડિયાએ શ્રીલંકાને 3-0થી હરાવ્યું, પછી બાંગ્લાદેશને તેના જ ઘરે 3-0થી હરાવ્યું અને હવે દક્ષિણ આફ્રિકાને તેના જ ઘરે 3-1થી હરાવ્યું.
ભારતીય ક્રિકેટના ઈતિહાસમાં આ પણ પ્રથમ વખત છે જ્યારે ટીમ ઈન્ડિયાએ દક્ષિણ આફ્રિકા સામેની T20 શ્રેણીમાં 3 મેચ જીતી હોય. આ પહેલા કોઈ પણ કેપ્ટન આ સિદ્ધિ હાંસલ કરી શક્યો ન હતો.
T20 ફોર્મેટમાં ટીમ ઈન્ડિયા માટે વર્ષ 2024 ઘણી રીતે ખાસ હતું. ભારતીય ટીમે આ વર્ષે 26 T20 આંતરરાષ્ટ્રીય મેચ રમી છે, જેમાંથી તે 24 મેચ જીતવામાં સફળ રહી છે. તેને આ વર્ષે માત્ર 2 T20 મેચમાં હારનો સામનો કરવો પડ્યો હતો. આ સમયગાળા દરમિયાન ભારતે અફઘાનિસ્તાન અને ઝિમ્બાબ્વે સામે T20 શ્રેણી પણ જીતી હતી.
તેણે 2024 T20 વર્લ્ડ કપનો ખિતાબ પણ જીત્યો. આ T20 વર્લ્ડ કપમાં ભારતીય ટીમ તમામ 8 મેચ જીતીને ટ્રોફી સાથે સ્વદેશ પરત ફરી છે. ભારતીય T20 ટીમના તત્કાલિન કેપ્ટન રોહિત શર્મા હતા, જેમણે ટૂર્નામેન્ટ બાદ જ T20I ફોર્મેટમાંથી નિવૃત્તિ લીધી હતી. (All Photo Credit : PTI)
Published On - 4:14 pm, Sat, 16 November 24
