IPL 2025માં સૌથી મોટી ઉંમરના ખેલાડીનો આવો છે પરિવાર ,બહેન છે શિક્ષક
Mahendra Singh Dhoni Family Tree: ધોનીને માહી બનાવવામાં તેના પરિવારની મહત્વની ભૂમિકા છે. સામાન્ય પરિવારની જેમ તેના પણ માતા-પિતા અને ભાઈ-બહેન છે. તેમની ફિલ્મમાં તેમના વિશે વધુ વિગતવાર જણાવવામાં આવ્યું નથી. આવો જાણીએ તેમના પરિવાર વિશે.
ખુબ ઓછા લોકો જાણે છે કે, એમએસ ધોનીનો મોટો ભાઈ છે. જે તેનાથી 10 વર્ષ મોટો છે. સપ્ટેમ્બર 2016માં રિલીઝ થયેલી તેની બાયોપિકમાં તેના મોટા ભાઈ નરેન્દ્ર સિંહનો કોઈ ઉલ્લેખ કરવામાં આવ્યો ન હતો.
એમએસ ધોનીની બહેનનું નામ જયંતી છે, જે ધોનીથી મોટી છે. જ્યંતીએ તેની માતા દેવકી દેવી સાથે મળી ધોનીને એક સફળ ક્રિકેટર બનાવવામાં મહત્વની ભુમિકા નિભાવી છે. દિગ્ગજ ક્રિકેટરની મોટી બહેન એક અંગ્રેજી શિક્ષક છે.
સાક્ષી 2008માં તાજ બંગાળ, કોલકાતામાં ઇન્ટર્ન તરીકે કામ કરતી વખતે એમએસને મળી હતી. સાક્ષી તેની ઈન્ટર્નશિપના છેલ્લા દિવસે એક કોમન ફ્રેન્ડ દ્વારા સ્ટાર ક્રિકેટરને મળી હતી. મીટિંગ પછી ધોનીએ એક મિત્ર દ્વારા સાક્ષીનો નંબર માંગ્યો પ્રેમ શરૂ થયો. 4 જુલાઈ 2010ના રોજ, એમએસ ધોનીએ દેહરાદૂનમાં સાક્ષી સાથે લગ્ન કર્યા.
એમએસ ધોનીની પુત્રીનું નામ જીવા છે. 6 ફ્રેબુઆરી 2015ના રોજ જીવાનો જન્મ થયો હતો. પિતા પુત્રી વચ્ચે ખુબ પ્રેમ છે. ધોની જીવા સાથે તેનો ખાસ સમય પસાર કરે છે.
Published On - 3:14 pm, Thu, 1 June 23
