માતા-પિતાએ એક શરત પર દીકરાને ક્રિકેટ રમવાની હા પાડી, આવો છે પ્રિયાંશ આર્યનો પરિવાર
પ્રિયાંશ આર્યએ IPL 2025 માં પોતાની વિસ્ફોટક બેટિંગથી બધાનું ધ્યાન ખેંચ્યું હતું. પ્રિયાંશ પાવરપ્લેમાં પોતાની વિસ્ફોટક બેટિંગ માટે જાણીતો છે. ગત્ત સિઝનમાં તેણે 17 મેચમાં 179 ના સ્ટ્રાઇક રેટથી 475 રન બનાવ્યા હતા.માતા-પિતા શિક્ષક, દીકરાએ આઈપીએલ ડેબ્યુ કરી બધાને ચોંકાવી દીધા હતા, જુઓ પ્રિયાંશ આર્યનો પરિવાર
ઇન્ડિયન પ્રીમિયર લીગ (IPL)ના ઇતિહાસમાં, ઘણા સ્ટાર ખેલાડીઓ રહ્યા છે જેમણે આ લીગ દ્વારા ખૂબ જ ખ્યાતિ મેળવી છે. પરંતુ આજે અમે તમને એક એવા ખેલાડી વિશે વાત કરીશું. જેમણે આઈપીએલમાં એન્ટ્રી કરી ચર્ચામાં આવ્યો હતો.
કહેવાય છે કે, જિંદગી તમને એક તક આપે છે. આ તકનો લાભ ઉઠાવનાર ક્રિકેટર પ્રિયાંશ આર્યના પરિવાર અને તેની પર્સનલ લાઈફ વિશે આજે આપણે વાત કરીએ.
પ્રિયાંશ આર્યનો પરિવાર અને પર્સનલ લાઈફ વિશે જાણો
પ્રિયાંશ આર્ય (પ્રજાપતિ)નો જન્મ 18 જાન્યુઆરી 2001ના રોજ થયો છે. તે એક ભારતીય ક્રિકેટર છે જે દિલ્હી અને પંજાબ કિંગ્સ માટે રમે છે. તે ડાબોડી ઓપનર છે.
25 માર્ચ 2025ના રોજ તેણે ગુજરાત ટાઇટન્સ સામેની મેચમાં પંજાબ કિંગ્સ માટે IPLમાં પ્રવેશ કર્યો. તેણે ઓપનર તરીકે 23 બોલમાં 47 રન બનાવ્યા હતા.
8 એપ્રિલ 2025ના રોજ તેણે ચેન્નાઈ સુપર કિંગ્સ સામે 39 બોલમાં સદી ફટકારી હતી. જે યુસુફ પઠાણ અને વૈભવ સૂર્યવંશી પછી IPLમાં સદી ફટકારનાર ત્રીજા સૌથી ઝડપી ભારતીય ખેલાડી બન્યો હતો.
દિલ્હી પ્રીમિયર લીગમાં આર્યની શરૂઆત સારી રહી હતી, તેણે ઓલ્ડ દિલ્હી 6 સામે 30 બોલમાં 57 રન બનાવ્યા હતા. ત્યારબાદ તેણે સેન્ટ્રલ દિલ્હી કિંગ્સ સામે 51 બોલમાં 82 રન બનાવ્યા હતા, જેમાં તેણે સાત છગ્ગા ફટકાર્યા હતા.
પૂર્વ દિલ્હી સ્ટ્રાઈકર્સ સામે 32 બોલમાં 53, ઓલ્ડ દિલ્હી 6 સામે 55 બોલમાં 107 અને સેન્ટ્રલ દિલ્હી સામે 42 બોલમાં 88 રન બનાવ્યા હતા.આર્યની ટીમ, સાઉથ, એ નોર્થ દિલ્હી સ્ટ્રાઈકર્સ સામે 20 ઓવરમાં 308/5 રન બનાવ્યા હતા. આર્યએ 50 બોલમાં 120 રનનું યોગદાન આપ્યું હતું, જેમાં એક જ ઓવરમાં છ છગ્ગાનો સમાવેશ થાય છે.
આર્યના પ્રદર્શનથી તેને સૈયદ મુશ્તાક અલી ટ્રોફી માટે દિલ્હી ટીમમાં સ્થાન મળ્યું. તેણે ઉત્તર પ્રદેશ સામે 43 બોલમાં પાંચ ચોગ્ગા અને દસ છગ્ગા સાથે 102 રન બનાવ્યા હતા.
પ્રિયાંશ આર્યએ 7 વર્ષની ઉંમરે ક્રિકેટ રમવાનું શરૂ કર્યું હતું. તેણે સંજય ભારદ્વાજના કોચિંગ હેઠળ ક્રિકેટ શીખ્યો હતો.
પ્રિયાંશ આર્યએ એક વાર કહ્યું હતું કે ,જો તે ક્રિકેટર ન બન્યો હોત, તો તે તેના માતાપિતાની જેમ શિક્ષક હોત.
જ્યારે તેણે તેના માતાપિતાને કહ્યું કે તે ક્રિકેટર બનવા માંગે છે, ત્યારે તેઓએ શરત લગાવી કે તેણે રમતગમતની સાથે અભ્યાસ પર પણ ધ્યાન કેન્દ્રિત કરવું જોઈએ, તો જ તેઓ તેને મંજૂરી આપશે.
