Champions Trophy : વિરાટ કોહલી ફાઈનલમાં નિષ્ફળ ગયો અને ટીમ ઈન્ડિયાને મોટું નુકસાન પહોંચાડ્યું
ચેમ્પિયન્સ ટ્રોફી 2025 ની ફાઈનલમાં વિરાટ કોહલીનું પ્રદર્શન ખૂબ જ ખરાબ રહ્યું હતું. ન્યુઝીલેન્ડ સામે માત્ર 1 રન બનાવીને તે આઉટ થયો હતો. એટલું જ નહીં, આઉટ થતા પહેલા કોહલીએ ટીમ ઈન્ડિયાને મોટું નુકસાન પણ પહોંચાડ્યું હતું.
વિરાટ કોહલી એક મોટો ખેલાડી છે. તે ICC ટુર્નામેન્ટમાં તેના મજબૂત પ્રદર્શન માટે જાણીતો છે, પરંતુ આંકડા દર્શાવે છે કે ફાઈનલમાં તેનું બેટ શાંત રહે છે. વિરાટ કોહલી ભારત તરફથી રમતા 10 ICC ODI ફાઈનલ રમ્યો છે. જેમાં તે 23.22ની એવરેજથી ફક્ત 209 રન જ બનાવી શક્યો છે. કોહલીએ આ 10 ઈનિંગ્સમાં ફક્ત 1 અડધી સદી ફટકારી છે. ICC ફાઈનલમાં કોહલીના એકંદર રેકોર્ડની વાત કરીએ તો, તેણે 11 ઈનિંગ્સમાં 411 રન બનાવ્યા છે.
કોહલી 2011ના વનડે વર્લ્ડ કપ ફાઈનલમાં 35, 2013 ચેમ્પિયન્સ ટ્રોફીની ફાઈનલમાં 43, 2014ના T20 વર્લ્ડ કપની ફાઈનલમાં 77, 2017માં પાકિસ્તાન સામે ચેમ્પિયન્સ ટ્રોફીની ફાઈનલમાં માત્ર 5 રન, WTC 2021ની ફાઈનલમાં ન્યુઝીલેન્ડ સામે 44 અને 13 રન, WTC 2023ની ફાઈનલમાં ઓસ્ટ્રેલિયા સામે 49 અને 14 રન, જ્યારે 2023ના ODI વર્લ્ડ કપમાં કોહલીએ 54 રન અને 2024ના T20 વર્લ્ડ કપ ફાઈનલમાં 76 રન બનાવ્યા હતા. (All Photo Credit : PTI)
