Breaking News : ઓપનિંગથી લઈને નંબર 11 સુધી દરેક સ્થાન પર બેટિંગ કરનાર IPL ઈતિહાસનો એકમાત્ર ક્રિકેટર કોણ છે?
IPL ની 18 સિઝનમાં અસંખ્ય રેકોર્ડ બન્યા અને તૂટ્યા. ઘણા ખેલાડીઓ ચમક્યા અને નિષ્ફળ ગયા. પરંતુ શું તમે જાણો છો કે લીગના ઈતિહાસમાં ફક્ત એક જ ખેલાડી છે જેણે ઓપનિંગથી લઈને નંબર 11 સુધી દરેક સ્થાન પર બેટિંગ કરી છે? જાણો કોણ છે આ ખેલાડી.
IPLમાં ખેલાડીઓનો બેટિંગ ક્રમાંક લગભગ નક્કી જ હોય છે, ક્યારેક મેચની પરિસ્થિતિ, ટીમ કોમ્બિનેશન કે પછી ખેલાડીની હાજરી-ગેરહાજરીના કારણે બેટિંગ ક્રમાંક બદલાય છે. પરંતુ એક ખેલાડી એવો છે જેણે 1 થી લઈ 11 સુધી દરેક નંબર પર બેટિંગ કરી છે.
સુનીલ નારાયણ એકમાત્ર ખેલાડી છે જેણે IPLમાં નંબર 1 થી નંબર 11 સુધી બેટિંગ કરી છે. તેણે IPLમાં કુલ 122 ઈનિંગ્સ રમી છે, જેમાં બધી બેટિંગ પોઝિશન પર રમ્યો છે.
આ 122 ઈનિંગ્સમાંથી સુનીલ નારાયણે સૌથી વધુ 66 ઇનિંગ્સ ઓપનિંગ એટલે નંબર 1 અને 2 પોઝિશન પર રમી છે. ઓપનિંગ બાદ તેણે સૌથી વધુ વખત 8 નંબર પર 13 વખત બેટિંગ કરી છે. જ્યારે નંબર 6 પર નારાયણે માત્ર એકવાર બેટિંગ કરી છે.
સુનીલ નારાયણે IPLમાં એક વાર નંબર 3 પર બેટિંગ કરી છે. તેણે નંબર 4 પર આઠ વાર, નંબર 5 પર સાત વાર, નંબર 7 પર છ વાર, નંબર 9 પર નવ વાર, નંબર 10 પર આઠ વાર અને નંબર 11 પર ત્રણ વાર બેટિંગ કરી છે.
સુનીલ નારાયણે IPLમાં નંબર 1 થી નંબર 11 સુધી બેટિંગ કરતા 189 મેચ રમી છે અને 122 ઇનિંગ્સમાં 1780 રન બનાવ્યા છે, જેમાં એક સદી અને સાત અડધી સદીનો સમાવેશ થાય છે.
સુનીલ નારાયણે પોતાની બધી IPL મેચ ફક્ત એક જ ટીમ, KKR માટે રમી છે. સુનીલ નારાયણે IPL 2012 માં KKR માટે ડેબ્યૂ કર્યું હતું.
IPL 2026 માં સુનીલ નારાયણની વિકેટની સંખ્યા 200 સુધી પહોંચી શકે છે, જે સિદ્ધિ હાંસલ કરવાથી તે માત્ર આઠ વિકેટ દૂર છે. (PC:PTI/X)
