Breaking News: કુલદીપ યાદવ ટીમ ઈન્ડિયામાંથી થશે બહાર, ન્યૂઝીલેન્ડ નહીં જાય?
ટીમ ઈન્ડિયા ન્યુઝીલેન્ડ સામે બે મેચની ટેસ્ટ શ્રેણી રમવાની છે. ભારતના ન્યૂઝીલેન્ડ પ્રવાસ માટે જલ્દી ટીમની પસંદગી થશે. જોકે તે પહેલા ભારતના ચાઈનામેન સ્પિનર કુલદીપ યાદવને લઈ મોટા સમાચાર સામે આવ્યા. અહેવાલો સૂચવે છે કે કુલદીપ યાદવને ન્યૂઝીલેન્ડ પ્રવાસમાં ટેસ્ટ ટીમમાં સામેલ કરવામાં આવશે નહીં.
વેસ્ટ ઈન્ડિઝ સામે શ્રેણીન બાદ ટીમ ઇન્ડિયા ન્યૂઝીલેન્ડનો પ્રવાસ કરશે. આ પ્રવાસમાં પાંચ T20, ત્રણ વનડે અને બે ટેસ્ટ મેચ રમાશે.
આ ટેસ્ટ શ્રેણી પ્રવાસની સૌથી મહત્વપૂર્ણ છે, કારણ કે તે જીતવાથી ભારતની વર્લ્ડ ટેસ્ટ ચેમ્પિયનશિપ ફાઇનલમાં પહોંચવાની શક્યતા વધી જશે.
આ જ કારણ છે કે ટીમ ઈન્ડિયા તેના કેટલાક મુખ્ય વનડે અને T20 ખેલાડીઓ, જેઓ ટેસ્ટ ટીમનો પણ ભાગ છે, તેમને ઈન્ડિયા A માં સામેલ કરશે અને તેમને ન્યૂઝીલેન્ડ A સામે મેદાનમાં ઉતારશે.
એક અહેવાલ મુજબ, ચાઈનામેન બોલર કુલદીપ યાદવ ન્યૂઝીલેન્ડ સામેની ટેસ્ટ શ્રેણીનો ભાગ રહેશે નહીં.
ટીમ ઈન્ડિયા આ શ્રેણીમાં રવિન્દ્ર જાડેજા, માનવ સુથાર અને વોશિંગ્ટન સુંદરને મેદાનમાં ઉતારશે.
રવિન્દ્ર જાડેજાએ ન્યૂઝીલેન્ડ સામે 11 મેચમાં 41 વિકેટ લીધી છે અને 422 રન પણ બનાવ્યા છે. માનવ સુથાર અને વોશિંગ્ટન સુંદર બોલિંગ અને બેટિંગ બંને કરી શકે છે.
બીજી તરફ, કુલદીપ યાદવને તેની બેટિંગમાં નબળો માનવામાં આવે છે, જેના કારણે ટીમમાં તેનો સમાવેશ મુશ્કેલ બને છે.
કુલદીપ યાદવ માટે 2026નું વર્ષ સારું રહ્યું નથી. આ વર્ષે તેણે બે ટેસ્ટ મેચમાં ફક્ત 4 વિકેટ લીધી છે. તેનું શ્રેષ્ઠ પ્રદર્શન 30 રન આપીને 3 વિકેટ રહ્યું હતું.
જોકે, કુલદીપ યાદવે કાઉન્ટી ક્રિકેટમાં સારું પ્રદર્શન કર્યું, લીડ્સમાં એસેક્સ સામેની મેચમાં 11 વિકેટ લીધી. હવે જોવાનું એ છે કે પસંદગીકારો તેને તક આપશે કે નહીં. (PC:PTI/X)
Published On - 5:34 pm, Mon, 5 October 26
