Breaking News: IPL 2026 નો સૌથી મોંઘો રન!… આ ખેલાડીને 1 રન બનાવવાના મળ્યા 1 કરોડ રૂપિયા
IPL 2026 માં ઘણા ખેલાડીઓ એવા પણ જોવા મળ્યા જેમની કિંમત ઊંચી હતી પરંતુ તેઓ અપેક્ષા મુજબ પ્રદર્શન કરવામાં નિષ્ફળ રહ્યા. જોકે, આ સંદર્ભમાં ટોપનો દેખાવ કરનાર ખેલાડી સનરાઈઝર્સ હૈદરાબાદનો ખેલાડી હતો, જેને ₹13 કરોડ રૂપિયામાં ખરીદવામાં આવ્યો હતો. અને તેને 1 રન બનાવવા બદલ લગભગ એક કરોડ રૂપિયા મળ્યા હતા.
IPL 2026 સિઝન પૂર્ણ થઈ ગઈ છે, જેમાં RCB સતત બીજી વખત ટાઈટલ જીત્યું છે. 15 વર્ષીય બેટ્સમેન વૈભવ સૂર્યવંશી સિઝનનો શ્રેષ્ઠ ખેલાડી સાબિત થયો. જોકે, અનેક ખેલાડીઓમાં એક ખેલાડી એવો હતો જેને મોટી રકમ મળી પરંતુ તેનું પ્રદર્શન ખૂબ જ ખરાબ રહ્યું.
આ ખેલાડી સનરાઈઝર્સ હૈદરાબાદનો ઈંગ્લિશ ઓલરાઉન્ડર લિયામ લિવિંગસ્ટોન છે, જે ટીમ સાથે એલિમિનેટર સુધી પહોંચ્યો હતો. જોકે, SRH એ આખી સિઝન દરમિયાન તેના પર વિશ્વાસ દર્શાવ્યો નહીં અને તેને ફક્ત બે મેચમાં રમવાની તક આપી.
ગયા વર્ષે RCB ને તેની પ્રથમ ચેમ્પિયનશિપ જીતાડવામાં મદદ કરનાર લિવિંગસ્ટોન આ સિઝનમાં SRH ટીમમાં સામેલ થયો પરંતુ તે ફક્ત બે જ મેચ રમી શક્યો. આ બે મેચમાં પણ તે નિષ્ફળ ગયો.
32 વર્ષીય વિસ્ફોટક બેટ્સમેન લખનૌ અને ચેન્નાઈ સામે એક-એક મેચ રમ્યો, પરંતુ તે મેચોમાં તે ફક્ત 15 રન જ બનાવી શક્યો. તેણે 25 બોલનો સામનો કર્યો અને માત્ર 60 ના ધીમા સ્ટ્રાઇક રેટથી રન બનાવ્યા.
લિવિંગ્સ્ટનનું પ્રદર્શન અને તેનો ઉપયોગ આશ્ચર્યજનક હતા, કારણ કે SRH એ તેને મીની-ઓક્શનમાં ₹13 કરોડની મોટી રકમમાં ખરીદ્યો હતો. તેથી, તેણે બનાવેલા દરેક રનની કિંમત SRH ને આશરે ₹1 કરોડ થઈ. (ફોટો: PTI)
