Breaking News : દિલ્હીનો દબંગ ખેલાડી સમીર રિઝવી બન્યો પૈસા વસુલ ખેલાડી, જુઓ ફોટો
લખનૌના એકાના સ્ટેડિયમમાં દિલ્હીના યુવા બેટ્સમેન સમીર રિઝવીએ શાનદાર પ્રદર્શન કર્યું હતુ, 37 બોલમાં અડધી સદી ફટકારી. આ અડધી સદી મુશ્કેલ સમયમાં આવી હતી. સમીર રિઝવી પૈસા વસુલ ખેલાડી બન્યો હતો. જાણો કઈ રીતે.
લખનૌના એકાના સ્ટેડિયમમાં કે.એલ રાહુલ જેવા ક્રિકેટરો ખાતું પણ ખોલી શક્યા ન હતા. તો આ પિચ પર પાથુમ નિસંકા જેવા બેટ્સમેન 1 રન બનાવી પેવેલિયન પરત ફર્યા હતા. ત્યારે 22 વર્ષનો ખેલાડી સમીર રિઝવીએ શાનદાર પ્રદર્શન કર્યું હતુ. સમીર રિઝવીએ અડધી સદી ફટકારી હતી.
રિઝવીની આ અડધી સદી ખાસ છે કારણ કે, એક સમયે દિલ્હીએ માત્ર 26 રનમાં 4 વિકેટ ગુમાવી દીધી હતી અને આવા ખરાબ સમયમાં આ બેટ્સમેને પોતાની બેટિંગ તાકત બતાવી હતી. જ્યારે રિઝવી ક્રીઝ પર આવ્યો તો ટીમ દબાવમાં હતી આ કારણે રિઝવીએ ક્રિઝ પર સમય લેવાનો નિર્ણય લીધો હતો.
રિઝવીએ 13 બોલમાં એક પણ બાઉન્ડ્રી ફટકારી ન હતી. પરંતુ 14માં બોલ પર તેમણે સિક્સ ફટકારી હતી. રિઝવીએ 10મી ઓવરમાં શાહબાઝ અહમદની ઓવરમાં 3 ચોગ્ગા ફટકાર્યા હતા. 14મી ઓવરમાં આ ખેલાડીએ એડન માર્કરમના બોલ પર સિક્સ અને ચોગ્ગો ફટકારી પોતાની અડધી સદી પુરી કરી હતી.
સમીર રિઝવીએ માત્ર અડધી સદી જ નહીં પરંતુ સ્ટબ્સ સાથે સદીની પાર્ટનરશીપ પણ કરી. આ ખેલાડીએ 72 બોલમાં 100 રન પૂરા કર્યા, જેમાં સ્ટબ્સનું યોગદાન 32 હતું. રિઝવી પહેલા ચેન્નાઈ સુપર કિંગ્સ સાથે હતો પરંતુ બાદમાં તેને રિલીઝ કરવામાં આવ્યો.
ત્યારબાદ દિલ્હી કેપિટલ્સે તેના પર વિશ્વાસ દર્શાવ્યો, અને હવે તે ખેલાડી તે વિશ્વાસ પર ખરો ઉતરી રહ્યો છે.
IPL 2025 પહેલા, દિલ્હી કેપિટલ્સે સમીર રિઝવીને ઓક્શનમાં માત્ર 95 લાખમાં ખરીદ્યો હતો. ગયા વર્ષે પંજાબ કિંગ્સ સામે રિઝવીએ 25 બોલમાં ઝડપી 58 રન બનાવ્યા હતા.
ત્યારબાદ DC એ 2026 IPL સીઝન પહેલા રિઝવીને રિટેન કર્યો હતો. ઉત્તર પ્રદેશના આ ખેલાડીએ હવે આ સીઝનની શરૂઆત ધમાકેદાર રીતે કરી છે. તે આ સીઝનમાં દિલ્હી માટે મુખ્ય ખેલાડી સાબિત થઈ શકે છે. (all photo : PTI)
