Breaking News: 200 મેચ… સુનીલ નારાયણે ઈતિહાસ રચ્યો, આમ કરનાર પ્રથમ વિદેશી ખેલાડી બન્યો
કોલકાતા નાઈટ રાઈડર્સના સ્ટાર સ્પિનર સુનીલ નારાયણે આઈપીએલમાં એક મહત્વપૂર્ણ સિદ્ધિ હાંસલ કરી છે. તે ઈન્ડિયન પ્રીમિયર લીગમાં 200 મેચ રમનાર પ્રથમ વિદેશી ખેલાડી બન્યો છે.
કોલકાતા નાઈટ રાઈડર્સના સ્ટાર સ્પિનર સુનીલ નારાયણે ઈન્ડિયન પ્રીમિયર લીગમાં એક અનોખો રેકોર્ડ બનાવ્યો છે. તેણે એવી સિદ્ધિ હાંસલ કરી છે જે અગાઉ કોઈ પણ વિદેશી ખેલાડી હાંસલ કરી શક્યો નથી.
કોલકાતાના ઈડન ગાર્ડન્સ ખાતે ગુજરાત ટાઈટન્સ અને કોલકાતા નાઈટ રાઇડર્સ વચ્ચેની મેચ દરમિયાન સુનીલ નારાયણ 200 IPL મેચ રમનાર પ્રથમ વિદેશી ખેલાડી બન્યો. અન્ય કોઈ ખેલાડી તેમની નજીક પણ પહોંચી શક્યો નથી.
સુનીલ નારાયણે 2012 માં કોલકાતા નાઈટ રાઈડર્સ માટે રમતા IPL માં પ્રવેશ કર્યો હતો અને ત્યારથી તે ફ્રેન્ચાઈઝનો ભાગ છે. આ સમયગાળા દરમિયાન તેણે KKR ને ત્રણ વખત ચેમ્પિયન બનાવવામાં મુખ્ય ભૂમિકા ભજવી હતી.
IPL માં સૌથી વધુ મેચ રમનાર વિદેશી ખેલાડી તરીકે 200 મેચ સાથે સુનીલ નારાયણ પહેલા ક્રમે છે, તેના પછી કિરોન પોલાર્ડનો નંબર આવે છે, જેણે 189 મેચ રમી છે. એબી ડી વિલિયર્સ અને ડેવિડ વોર્નરે 184 મેચ રમી છે અને બંને ત્રીજા ક્રમે છે.
સુનીલ નારાયણ IPL માં 200 કે તેથી વધુ વિકેટ લેનાર એકમાત્ર વિદેશી બોલર છે. વિદેશી બોલરોની યાદીમાં તેના પછી ડ્વેન બ્રાવો (183 વિકેટ) અને રાશિદ ખાન (174 વિકેટ) નો નંબર આવે છે. (PC: PTI)
Published On - 7:59 pm, Sat, 16 May 26
