Breaking News: IPL 2026માં સતત હારનો સામનો કરનાર લખનૌ સુપરજાયન્ટ્સમાં આકમક બેટસમેનની એન્ટ્રી, એક વિદેશી ખેલાડીએ છોડી ટીમ
લખનૌ સુપરજાયન્ટ્સ પહેલાથી જ ખરાબ પ્રદર્શન કરી રહી છે. હવે, તેમના એક વિદેશી ખેલાડીએ વ્યક્તિગત કારણોસર IPL છોડવાનો નિર્ણય લીધો છે. જોકે, તેના બદલામાં એક વિસ્ફોટક ખેલાડી લખનૌ ટીમમાં જોડાયો છે.
IPL 2026 માં ખરાબ પ્રદર્શન કરનાર લખનૌ સુપરજાયન્ટ્સમાં મોટો ફેરફાર થયો છે. તેમના વિદેશી બેટ્સમેન મેથ્યુ બ્રીટ્ઝકે ટીમ છોડી દીધી છે. આ સિઝનમાં બ્રીટ્ઝકેને એક પણ મેચમાં તક આપવામાં આવી ન હતી. દક્ષિણ આફ્રિકાના આ ખેલાડીને લખનૌએ 75 લાખ રૂપિયામાં ખરીદ્યો હતો.
લખનૌ ટીમ માટે સારા સમાચાર એ છે કે ઓસ્ટ્રેલિયન વિકેટકીપર-બેટ્સમેન જોશ ઈંગ્લિસ ટીમમાં જોડાયો છે. ઈંગ્લિસ પોતાના લગ્નને કારણે લખનૌની પહેલી આઠ મેચમાં રમી શક્યો નહીં, પરંતુ હવે તે નવમી મેચ માટે ઉપલબ્ધ છે.
જોશ ઈંગ્લિસ ગયા સિઝનમાં પંજાબ કિંગ્સનો ભાગ હતો. પંજાબ તેને રિટેન કરવા માંગતી હતી, પરંતુ ઈંગ્લિસે ત્યારે કહ્યું હતું કે તે તેના લગ્નને કારણે IPLમાં ભાગ લઈ શકશે નહીં. જોકે, બાદમાં લખનૌએ આ ખેલાડીને ₹8.6 કરોડમાં સાઈન કર્યો.
IPL 2026 માં લખનૌ સુપરજાયન્ટ્સનું પ્રદર્શન નિરાશાજનક રહ્યું છે. તેઓ આઠમાંથી ફક્ત બે મેચ જીતી શક્યા છે અને પોઈન્ટ ટેબલમાં છેલ્લા સ્થાને છે. હવે, જો તેઓ પ્લેઓફમાં સ્થાન મેળવવા માંગતા હોય, તો તેઓએ બાકીની છ મેચ જીતવી પડશે.
લખનૌ સુપરજાયન્ટ્સનો આગામી મુકાબલો 4 મેના રોજ મુંબઈ ઈન્ડિયન્સ સામે છે. આ મેચ મુંબઈના વાનખેડે સ્ટેડિયમમાં રમાશે. જો લખનૌ આ મેચ હારી જાય છે, તો તેઓ IPL 2026માંથી લગભગ બહાર થઈ જશે. (PC: PTI)
Published On - 6:46 pm, Sat, 2 May 26
