Breaking News: બે અઠવાડિયા, ત્રણ મેચ, 0 વિકેટ… જસપ્રીત બુમરાહ સહિત આ 7 સ્ટાર બોલરોને IPL 2026માં નથી મળી વિકેટ
IPLની 19મી સીઝન શરૂ થયાને બે અઠવાડિયા થઈ ગયા છે. અને આ બે અઠવાડિયામાં સ્ટાર ફાસ્ટ બોલર જસપ્રીત બુમરાહ એક પણ વિકેટ લઈ શક્યો નથી. જોકે બુમરાહ એકલો નથી, અત્યાર સુધી રમાયેલી મેચોમાં બુમરાહ સહિત 7 સ્ટાર બોલરો વિકેટ લેવામાં નિષ્ફળ રહ્યા છે. જાણો કોણ છે આ ખેલાડીઓ.
જસપ્રીત બુમરાહએ IPL 2026 માં હજુ સુધી એક પણ વિકેટ લીધી નથી. મુંબઈ ઈન્ડિયન્સ માટે ત્રણ મેચ રમ્યા પછી પણ, બુમરાહ હજુ પણ IPL 2026 માં તેની પહેલી વિકેટની રાહ જોઈ રહ્યો છે.
જસપ્રીત બુમરાહ ઉપરાંત, ચેન્નાઈ સુપર કિંગ્સના સ્પિનર નૂર અહેમદ અને ફાસ્ટ બોલર ખલીલ અહેમદ પણ વિકેટ લઈ શક્યા નથી. CSK એ પણ IPL 2026 માં ત્રણ મેચ રમી છે.
મુંબઈ ઈન્ડિયન્સનો અનુભવી ફાસ્ટ બોલર ટ્રેન્ટ બોલ્ટ પણ વિકેટ વગર જ રહ્યો છે. બે મેચમાં પાંચ ઓવર ફેંક્યા પછી પણ બોલ્ટને એક પણ વિકેટ મળી નથી.
સનરાઈઝર્સ હૈદરાબાદ તરફથી રમી રહેલો હર્ષલ પટેલ પણ હજુ સુધી IPL 2026 માં પોતાની પહેલી વિકેટની રાહ જોઈ રહ્યો છે. તેણે બે મેચમાં 5.4 ઓવર ફેંકી હતી અને તેને એક પણ વિકેટ મળી નથી.
પંજાબ કિંગ્સનો સ્ટાર ફાસ્ટ બોલર અર્શદીપ સિંહ અને કોલકાતા નાઈટ રાઈડર્સનો મિસ્ટ્રી સ્પિનર વરુણ ચક્રવર્તી પણ આ જ સ્થિતિમાં છે. બંનેએ IPL 2026માં હજુ સુધી એક પણ વિકેટ લીધી નથી. (PC: PTI)
