Vaibhav Sooryavanshi: માત્ર 40 ઈનિંગમાં 15 વર્ષીય વૈભવ સૂર્યવંશીનો ધમાકો, T20 માં આ મામલે બન્યો નંબર-1
વૈભવ સૂર્યવંશીએ ઝિમ્બાબ્વે સામેની T20I શ્રેણીમાં શાનદાર પ્રદર્શન કરીને વધુ એક મોટી સિદ્ધિ પોતાના નામે કરી છે. માત્ર 15 વર્ષની ઉંમરે આંતરરાષ્ટ્રીય ક્રિકેટમાં ધમાલ મચાવનાર વૈભવે 20 વર્ષની ઉંમર પહેલાં T20 ક્રિકેટમાં એક ખાસ સિદ્ધિ હાંસલ કરી છે. ખાસ વાત એ છે કે તેણે આ સિદ્ધિ માત્ર 40 ઈનિંગમાં પોતાના નામે કરી છે.
ઝિમ્બાબ્વે સામેની T20I શ્રેણી વૈભવ સૂર્યવંશી માટે યાદગાર રહી. તેણે શ્રેણીમાં બે અડધી સદી ફટકારી અને પ્લેયર ઓફ ધ મેચ તેમજ પ્લેયર ઓફ ધ સિરીઝનો એવોર્ડ પણ જીત્યો. આ સાથે તેણે પોતાની બેટિંગથી વિશ્વ ક્રિકેટમાં વધુ એક મોટો રેકોર્ડ નોંધાવ્યો.
વૈભવ હવે 20 વર્ષની ઉંમર પહેલાં T20 ક્રિકેટમાં સૌથી વધુ 12 વખત 50 થી વધુનો સ્કોર બનાવનાર ખેલાડી બની ગયો છે. સૌથી ખાસ વાત એ છે કે તેણે આ સિદ્ધિ સૌથી ઓછી ઇનિંગમાં હાંસલ કરી છે.
વૈભવે માત્ર 40 T20 ઇનિંગમાં 12 વખત 50 થી વધુનો સ્કોર બનાવ્યો છે. તેની આ સિદ્ધિ તેને આ યાદીમાં ટોચ પર પહોંચાડે છે. તેની વિસ્ફોટક બેટિંગને કારણે તે સતત ચર્ચામાં છે.
લુઇસ બ્રુસે પણ 20 વર્ષની ઉંમર પહેલા T20 ક્રિકેટમાં 12 વખત 50થી વધુનો સ્કોર બનાવ્યો હતો. જોકે, તેણે આ માટે 41 ઇનિંગ રમી હતી. એટલે વૈભવે તેના કરતા એક ઇનિંગ પહેલા આ સિદ્ધિ મેળવી છે.
દક્ષિણ આફ્રિકાના લુહાન-ડ્રાઇસ પ્રિટોરિયસે પણ 20 વર્ષની ઉંમર પહેલા 10 વખત 50થી વધુનો સ્કોર બનાવ્યો હતો. જોકે, તેને આ સિદ્ધિ માટે 62 ઇનિંગ રમી હતી. વૈભવની આ સિદ્ધિ તેની અસાધારણ પ્રતિભાનો વધુ એક પુરાવો છે. (PC: PTI)
