IND vs ENG: રોહિત શર્માએ સચિન તેંડુલકરને પાછળ છોડી દીધો, લોર્ડ્સમાં એક સદી સાથે તોડ્યા બે મોટા રેકોર્ડ
લોર્ડ્સમાં રમાયેલી નિર્ણાયક વનડેમાં રોહિત શર્માએ શાનદાર સદી ફટકારીને માત્ર ભારત માટે જ નહીં, પરંતુ પોતાની કારકિર્દી માટે પણ ઐતિહાસિક સિદ્ધિ હાંસલ કરી. આ એક સદી સાથે તેણે બે મોટા રેકોર્ડ તોડ્યા હતા અને સચિન તેંડુલકર પણ પાછળ છોડી દીધો.
લોર્ડ્સમાં રમાયેલી છેલ્લી વનડેમાં ભારતને હારનો સામનો કરવો પડ્યો હતો. પરંતુ લોર્ડ્સમાં સદી ફટકારી રોહિત શર્માએ ઈતિહાસ રચ્યો હતો. સાથે જ તેણે સચિન તેંડુલકરને પણ પાછળ છોડી દીધો હતો.
લોર્ડ્સમાં સદી ફટકારી રોહિત શર્માએ ઓપનર તરીકે સૌથી વધુ સદી ફટકારવાની યાદીમાં સચિન તેંડુલકરને પાછળ છોડી દીધો છે. રોહિતે ઓપનર તરીકે 389 આંતરરાષ્ટ્રીય ઈનિંગમાં 46 સદી ફટકારી છે, જ્યારે સચિને 342 ઈનિંગમાં 45 સદી ફટકારી છે.
આંતરરાષ્ટ્રીય ક્રિકેટમાં ઓપનર તરીકે રોહિત શર્મા કરતાં વધુ સદી ફક્ત ડેવિડ વોર્નરે જ ફટકારી છે. તેણે 462 ઈનિંગમાં 49 સદી ફટકારી છે.
રોહિત શર્માએ વનડેમાં રનચેઝ કરતી વખતે સૌથી વધુ સદી ફટકારવા મામલે પણ સચિન તેંડુલકરને પણ પાછળ છોડી દીધો છે. લોર્ડ્સની સદી રનચેઝ કરતા રોહિતની 18 મી વનડે સદી છે, જ્યારે સચિન તેંડુલકરે રનચેઝ કરતા 17 સદી ફટકારી છે.
વનડેમાં ચેઝ કરતી વખતે સૌથી વધુ સદી ફટકારવાનો રેકોર્ડ વિરાટ કોહલીના નામે છે. તેણે 29 સદી ફટકારી છે, જે રોહિત શર્મા કરતા નવ સદી વધુ છે. (PC: PTI)
