Breaking News: ધર્મશાલામાં બે ખેલાડીઓએ કર્યું ડેબ્યૂ, જાણો કોણ લીધું વિરાટ કોહલીનું સ્થાન?
ટીમ ઈન્ડિયા ભારત vs અફઘાનિસ્તાન શ્રેણી વિરાટ કોહલી, હાર્દિક પંડ્યા, જસપ્રીત બુમરાહ અને મોહમ્મદ સિરાજ જેવા સ્ટાર ખેલાડીઓ વિના રમી રહી છે. પરિણામે, તેમના સ્થાને પ્લેઈંગ ઈલેવનમાં યુવા ખેલાડીઓને તક આપવામાં આવી છે. ધર્મશાલામાં પહેલી વનડે મેચમાં બે ખેલાડીઓએ ડેબ્યૂ કર્યું હતું. જ્યારે એક અનુભવી ખેલાડી વિરાટ કોહલીના સ્થાને બેટિંગ કરશે.
ભારત અને અફઘાનિસ્તાન વચ્ચેની પ્રથમ ODI વરસાદને કારણે મોડી શરુ થઈ હતી. ધર્મશાલામાં વરસાદ બંધ થયા પછી ભારતીય કેપ્ટન શુભમન ગિલે ટોસ જીતીને પ્રથમ બોલિંગ કરવાનો નિર્ણય લીધો. આ મેચમાં ઓવરની સંખ્યા ઘટાડવામાં આવી હતી. આજની મેચમાં ટીમ ઈન્ડિયા માટે બે ખેલાડીઓએ ડેબ્યૂ કર્યું હતું.
આ મેચ ભારતીય ક્રિકેટ ટીમના બે યુવા ખેલાડીઓ માટે ખાસ ક્ષણ બની રહી. ઘરેલુ ક્રિકેટમાં સારું પ્રદર્શન કરનારા ગુર્નુર બ્રાર અને હર્ષ દુબેને ટીમ ઈન્ડિયાની કેપ આપવામાં આવી. બંને ખેલાડીઓએ અફઘાનિસ્તાન સામે આંતરરાષ્ટ્રીય ક્રિકેટમાં ડેબ્યૂ કર્યું હતું.
પ્લેઈંગ ઈલેવનમાં બીજો પણ એક મોટો ફેરફાર જોવા મળ્યો હતો. આ મેચમાં સ્ટાર ખેલાડી વિરાટ કોહલીની જગ્યાએ અનુભવી બેટ્સમેન કેએલ રાહુલને નંબર 3 પર બેટિંગ કરવાની જવાબદારી સોંપવામાં આવી હતી.
પંજાબનો છ ફૂટ પાંચ ઈંચ ઉંચો ફાસ્ટ બોલર ગુરનૂર બ્રાર તેની સ્પીડ, બાઉન્સ અને રિવર્સ સ્વિંગ માટે જાણીતો છે. ગુરનૂર બ્રારે 2021 માં પંજાબ માટે લિસ્ટ Aમાં ડેબ્યૂ કર્યું અને તે પછીના વર્ષે ફર્સ્ટ-ક્લાસ ક્રિકેટ રમી. તેણે 9 લિસ્ટ A મેચમાં 12 વિકેટ લીધી છે.
બીજી તરફ, IPL 2026 ની સિઝન હર્ષ દુબે માટે ખૂબ જ શાનદાર રહી હતી. સનરાઈઝર્સ હૈદરાબાદ તરફથી રમતા તેણે 8 મેચમાં 8 વિકેટ ઝડપી હતી અને ખૂબ ઓછા રન આપ્યા. જેના કારણે તેને આ મોટી તક મળી છે. તેની પાસે 30 લિસ્ટ A મેચોનો અનુભવ પણ છે. (PC:X/BCCI)
Published On - 6:59 pm, Sat, 13 June 26
