0,0,0,0,0,0… જસપ્રીત બુમરાહે પ્રથમવાર આ સિદ્ધિ હાંસલ કરી, પહેલી જ ઓવરમાં અફઘાનિસ્તાનને આપ્યો ઝટકો
જસપ્રીત બુમરાહે અફઘાનિસ્તાન સામેની બીજી T20Iમાં શાનદાર શરૂઆત કરીને મોટો વિશ્વ રેકોર્ડ પોતાના નામે કર્યો. મેચની પહેલી જ ઓવરમાં તેણે એક પણ રન આપ્યો નહોતો. આ સાથે T20 આંતરરાષ્ટ્રીય ક્રિકેટમાં તેની મેડન ઓવરની સંખ્યા 13 થઈ ગઈ અને તે પૂર્ણ સભ્ય દેશોના બોલરોમાં સૌથી વધુ મેડન ઓવર નાખનાર બોલર બની ગયો. સાથે જ તેણે એક ખાસ સિદ્ધિ પણ હસંલ કરી હતી.
જસપ્રીત બુમરાહે અફઘાનિસ્તાન સામેની બીજી T20Iમાં પ્રથમ ઓવરથી જ પોતાનો દબદબો બતાવ્યો હતો.
જસપ્રીત બુમરાહની છ બોલમાં ઇબ્રાહિમ ઝદરાને એક પણ રન બનાવી શક્યો નહીં અને પહેલી જ ઓવર મેડન રહી.
આ મેડન ઓવર બુમરાહ માટે ખાસ હતી, કારણ કે તેની T20I કારકિર્દીમાં આ પહેલી વખત બન્યું જ્યારે તેણે ઇનિંગની પ્રથમ જ ઓવરમાં મેડન ઓવર નાખી.
બુમરાહની ચોક્કસ લાઇન અને સ્વિંગ સામે ઝદરાને દરેક બોલનો સાવચેતીપૂર્વક બચાવ કર્યો. બુમરાહે શરૂઆતથી જ અફઘાનિસ્તાનના બેટ્સમેન પર દબાણ બનાવી દીધું.
આ શાનદાર ઓવર સાથે બુમરાહે T20 આંતરરાષ્ટ્રીય ક્રિકેટમાં પોતાની 13મી મેડન ઓવર પૂરી કરી. આ આંકડા સાથે તેણે એક ખાસ વિશ્વ રેકોર્ડ પણ પોતાના નામે કર્યો.
બુમરાહે મેડન ઓવરના મામલે ઝિમ્બાબ્વેના રિચર્ડ નગારાવાને પાછળ છોડી દીધો. નગારાવાના નામે અગાઉ 12 મેડન ઓવર હતી, પરંતુ હવે બુમરાહ એક મેડન ઓવર આગળ નીકળી ગયો છે.
ભારત માટે T20Iમાં પહેલી ઓવર મેડન નાખવાના મામલે ભુવનેશ્વર કુમાર સૌથી આગળ છે. તેણે આ કમાલ છ વખત કર્યો છે, જ્યારે અર્શદીપ સિંહે બે વખત આવું કર્યું છે.
બુમરાહ ઉપરાંત હરભજન સિંહ, હાર્દિક પંડ્યા, અક્ષર પટેલ, દીપક ચહર, મોહમ્મદ સિરાજ, આશિષ નેહરા, પ્રવીણ કુમાર અને બારિન્દર સરને પણ ભારત માટે પ્રથમ ઓવર મેડન નાખી છે.
અફઘાનિસ્તાન સામેની આ મેચમાં બુમરાહની આ શરૂઆત તેની વાપસી બાદ ખાસ મહત્વની બની છે. ઈજામાંથી પરત ફરેલા આ ઝડપી બોલરે પોતાની લાઇન અને લેન્થથી ફરી એકવાર સાબિત કર્યું કે તે ટીમ ઈન્ડિયા માટે કેટલો મહત્વનો છે. (PC:PTI/X)
Published On - 8:24 pm, Tue, 15 September 26
