Breaking News: ધર્મશાલામાં વરસાદ બનશે વિલન ! ધોવાઈ જશે ભારત-અફઘાનિસ્તાનની પહેલી ODI ? જાણો weather રિપોર્ટ
ભારત અને અફઘાનિસ્તાન વચ્ચેની ત્રણ મેચની ODI શ્રેણીની પ્રથમ મેચ શનિવારે ધર્મશાલામાં રમાવાની છે. જોકે, મેચ પહેલા હવામાનને લઈને ચાહકોની ચિંતા વધી ગઈ છે. હવામાન વિભાગ અને AccuWeatherની આગાહી મુજબ મેચ દરમિયાન વરસાદની સંભાવના છે, જેના કારણે રમતમાં વિક્ષેપ પડી શકે છે.
ભારત અને અફઘાનિસ્તાન વચ્ચેની પ્રથમ ODI મેચ 13 જૂને ધર્મશાલાના હિમાચલ પ્રદેશ ક્રિકેટ એસોસિએશન સ્ટેડિયમમાં રમાશે. ઐતિહાસિક ટેસ્ટ જીત બાદ ભારતીય ટીમ આ શ્રેણીની શરૂઆત જીત સાથે કરવા ઉત્સુક છે.
જોકે મેચ પહેલા હવામાન સૌથી મોટો ચર્ચાનો વિષય બન્યું છે. ધર્મશાલામાં શનિવારે વાદળછાયું વાતાવરણ રહેવાની અને સમયાંતરે વરસાદ પડવાની સંભાવના વ્યક્ત કરવામાં આવી છે.
AccuWeather અનુસાર બપોરે 2 થી 4 વાગ્યાની વચ્ચે વરસાદની શક્યતા સૌથી વધુ છે. આ સમયગાળા દરમિયાન મેચમાં વિક્ષેપ પડી શકે છે અને કેટલીક ઓવરો પણ ગુમાવવી પડી શકે છે.
સારા સમાચાર એ છે કે દિવસ દરમિયાન ભારે વરસાદની આગાહી નથી. સાંજ સુધીમાં હવામાનમાં સુધારો થવાની શક્યતા છે, જેના કારણે પૂરી મેચ રમાશે તેવી આશા છે.
મેચ દરમિયાન તાપમાન લગભગ 22 ડિગ્રી સેલ્સિયસ રહેશે, જ્યારે ભેજનું પ્રમાણ 51 ટકા આસપાસ રહેવાની ધારણા છે. જો વરસાદ વધુ વિલન ન બને, તો ક્રિકેટ ચાહકોને ધર્મશાલામાં રોમાંચક મુકાબલો જોવા મળી શકે છે. (PC:PTI/X/BCCI)
