Breaking News: IPL 2027 પહેલા પંજાબ કિંગ્સને 440 વોલ્ટનો ઝટકો, બે અનુભવી કોચે છોડી ટીમ
IPL 2027 પહેલા પંજાબ કિંગ્સની મુશ્કેલીઓ વધી ગઈ છે. ટીમના કોચિંગ સ્ટાફમાંથી બે અનુભવી કોચે પોતાના પદ પરથી રાજીનામું આપી દીધું છે. બંનેના જવાથી ટીમે હવે નવા કોચની શોધ શરૂ કરવી પડશે. આ પહેલા ભારતીય ટીમનો સ્પિન બોલિંગ કોચ સાઈરાજ બહુતુલે પણ IPL બાદ પંજાબ કિંગ્સનો સાથ છોડી ચૂક્યો છે. IPL 2027 પહેલા શ્રેયસ અય્યરની આગેવાની હેઠળની પંજાબ કિંગ્સે હવે ત્રણ ખાલી જગ્યાઓ ભરવી પડશે.
પંજાબ કિંગ્સ માટે IPL 2027 પહેલા કોચિંગ સ્ટાફમાં મોટા ફેરફાર થઈ રહ્યા છે. ટીમના બે કોચ બ્રેડ હેડિન અને જેમ્સ હોપ્સે ટીમથી અલગ થવાનો નિર્ણય લીધો છે.
બ્રેડ હેડિન પંજાબ કિંગ્સના ફિલ્ડિંગ કોચ તરીકે જવાબદારી સંભાળી રહ્યો હતો. તેના અનુભવને ધ્યાનમાં રાખતાં ટીમ માટે આ મોટો ફેરફાર માનવામાં આવી રહ્યો છે.
જેમ્સ હોપ્સ ટીમનો ફાસ્ટ બોલિંગ કોચ હતો. તેના જવાથી પંજાબ કિંગ્સે હવે બોલિંગ વિભાગમાં પણ નવા કોચની શોધ કરવી પડશે.
બંને કોચે તાજેતરમાં જ પંજાબ કિંગ્સ મેનેજમેન્ટને પોતાના નિર્ણયની જાણ કરી હતી. ત્યારબાદ ફ્રેન્ચાઇઝીએ તેમના વિકલ્પોની શોધ શરૂ કરી છે.
આ બંનેના રાજીનામા પહેલા સાઈરાજ બહુતુલે પણ ટીમ છોડી ચૂક્યો છે. બહુતુલે IPL 2026 બાદ પંજાબ કિંગ્સથી અલગ થયો હતો. બહુતુલે ભારતીય ટીમ સાથે સ્પિન બોલિંગ કોચ તરીકે જોડાયેલો છે.
સાઈરાજ બહુતુલે પંજાબ કિંગ્સમાં સુનીલ જોશીનું સ્થાન લીધું હતું. હવે ત્રણ કોચના બહાર થવાથી મુખ્ય કોચ રિકી પોન્ટિંગ સામે સપોર્ટ સ્ટાફને ફરીથી તૈયાર કરવાનો પડકાર છે.
IPL 2027ની હરાજી પહેલા રિકી પોન્ટિંગે ટીમનું કોચિંગ કોમ્બિનેશન તૈયાર કરવું પડશે. નવા કોચની પસંદગી ટીમની આગામી સિઝનની તૈયારીઓ માટે મહત્વપૂર્ણ રહેશે.
શ્રેયસ અય્યરની આગેવાની હેઠળની પંજાબ કિંગ્સે હવે ત્રણ ખાલી જગ્યાઓ ભરવી પડશે. કોચિંગ સ્ટાફમાં ફેરફારની અસર આગામી સિઝનમાં ટીમના પ્રદર્શન પર કેવી પડે છે તે જોવું રસપ્રદ રહેશે. (PC:PTI/X)
Published On - 8:43 pm, Thu, 8 October 26
