ચેમ્પિયન્સ ટ્રોફી પછી શ્રેયસ અય્યરને મળી શકે છે મોટું ઈનામ, BCCI કરશે મોટી જાહેરાત
શ્રેયસ અય્યર માટે સારા દિવસો પાછા આવી રહ્યા છે, કારણ કે જે વસ્તુ તેની પાસેથી છીનવાઈ ગઈ હતી, તે ચેમ્પિયન્સ ટ્રોફી પછી તેને ફરીથી મળી શકે છે. ચેમ્પિયન્સ ટ્રોફી 2025માં શ્રેયસ અય્યરના સારા પ્રદર્શનને ધ્યાનમાં રાખી BCCI તેને મોટું ઈનામ આપી શકે છે.
ટાઈમ્સ ઓફ ઈન્ડિયાના એક અહેવાલ મુજબ, BCCIએ ચેમ્પિયન્સ ટ્રોફી પછી ખેલાડીઓના વાર્ષિક કરાર રિન્યૂ કરવાનો નિર્ણય લીધો હતો, કારણ કે BCCI આ ICC ટુર્નામેન્ટમાં ખેલાડીઓના પ્રદર્શનની સમીક્ષા કરવા માંગતા હતા. નવા કરારમાં ખેલાડીઓના ગ્રેડ અંગેનો નિર્ણય ત્રણેય ફોર્મેટમાં તેમના પ્રદર્શનના આધારે લેવામાં આવશે.
રિપોર્ટમાં એમ પણ કહેવામાં આવ્યું છે કે BCCI ગ્રેડ A પ્લસની પણ સમીક્ષા કરશે, જેમાં હાલમાં રોહિત, વિરાટ, બુમરાહ અને જાડેજાનો સમાવેશ થાય છે. આ ચારમાંથી રોહિત, વિરાટ અને જાડેજાને ટોચના ગ્રેડ એટલે કે ગ્રેડ A પ્લસમાંથી બાકાત રાખી શકાય છે. આનું કારણ એ છે કે BCCI ફક્ત તે ખેલાડીઓને જ પ્રાથમિકતા આપવાનું વિચારી રહ્યું છે જે ત્રણેય ફોર્મેટ રમી રહ્યા છે. જોકે, ચેમ્પિયન્સ ટ્રોફીમાં ટાઈટલ જીત સાથે, સેન્ટ્રલ કોન્ટ્રાક્ટમાં તેમનું સ્થાન ગ્રેડ A પ્લસમાં જ રહેવાની અપેક્ષા છે. (All Photo Credit : PTI / X)
Published On - 4:45 pm, Fri, 7 March 25
