IPL 2025 પહેલા BCCIનો મોટો નિર્ણય, ‘છેતરપિંડી’ કરનાર આ ખેલાડી પર પ્રતિબંધ મૂક્યો
આઈપીએલ 2025ની શરુઆત 22 માર્ચથી થઈ રહી છે. આ પહેલા બીસીસીઆઈએ એક મોટો નિર્ણય લીધો છે. ઈંગ્લેન્ડના બેટ્સમેન હેરી બ્રુક પર 2 વર્ષનો પ્રતિબંધ મુક્યો છે. તેમણે આ વર્ષે આઈપીએલ રમવાની ના પાડી હતી.
આ વર્ષે આઈપીએલનું ઓક્શન જ્યારે થયું ત્યારે હેરી બ્રુકે પણ પોતાનું નામ નોંધાવ્યું હતુ. ત્યારબાદ તેનું નામ શોર્ટલિસ્ટ કરવામાં આવ્યું હતુ. તેના નામ પર બોલી પણ લાગી હતી. દિલ્હી કેપિટલ્સે 6.25માં તેને ખરીદ્યો હતો પરંતુ આઈપીએલ નજીક આવતા જ હેરી બ્રુકે પોતાનું નામ પરત લઈ લીધું છે. આ સતત બીજા વર્ષે આવું થયું છે.
જ્યારે હેરી બ્રુકે તે કર્યું. આ વખતે હેરીએ પોતાની રાષ્ટ્રીય પ્રતિબદ્ધતાઓનો ઉલ્લેખ કર્યો. હવે હેરી બ્રુક વધુ બે વર્ષ સુધી IPL રમી શકશે નહીં.બ્રુકે વ્યક્તિગત કારણોસર IPLમાંથી પોતાનું નામ પાછું ખેંચ્યું છે. જોકે, આ વખતે બ્રુકે પોતાના નિર્ણય બદલ માફી પણ માંગી છે.
બીસીસીઆઈએ આઈપીએલ 2025ના ઓક્શન પહેલા ટૂર્નામેન્ટને લઈ કેટલાક નિયમ બનાવ્યા હતા. આ દરમિયાન બોર્ડે સ્પષ્ટ કહ્યું હતુ કે, જો કોઈ પણ ખેલાડી ઓક્શનમાં રજિસ્ટ્રેશન કર્યા બાદ પસંદ કરવામાં આવે છે.
ત્યારબાદ સીઝન શરુ થતાં પહેલા તે ટૂર્નામેન્ટ માટે હાજર ન રહે અને રમવાની ના પાડે છે તો તેના પર 2 સીઝન માટે ટૂર્નામેન્ટ અને ઓક્શનમાં ભાગ લેવા પર પ્રતિબંધ હશે. આ નિયમને લઈ બીસીસીઆઈએ એક્શન લીધું છે.
