નિવૃત્તિ પછી તરત બીજા દેશનો કેપ્ટન બની ગયો આ ક્રિકેટર, રોનાલ્ડો સાથે છે ખાસ કનેક્શન
39 વર્ષની ઉંમરે નિવૃત્તિ બાદ આ ક્રિકેટર તરત જ બીજા દેશનો કેપ્ટન બની ગયો છે. ખાસ વાત એ છે કે તેનો જન્મ એવી જગ્યાએ થયો છે, જ્યાંથી વિશ્વનો એક દિગ્ગજ ફૂટબોલર પણ આવે છે. હવે તે જ દેશને T20 વર્લ્ડ કપમાં પહોંચાડવાની જવાબદારી તેના ખભા પર છે.
ભૂતપૂર્વ ઓસ્ટ્રેલિયન ક્રિકેટર મોઇસિસ હેનરિક્સે ગયા મહિને ઓસ્ટ્રેલિયન ડોમેસ્ટિક ક્રિકેટમાંથી નિવૃત્તિ લીધી હતી અને હવે તે બીજા દેશનો કેપ્ટન બની ગયો છે.
મોઇસિસ હેનરિક 39 વર્ષની ઉંમરે પોર્ટુગલનો કેપ્ટન બન્યો છે. તેણે ઓસ્ટ્રેલિયા માટે ચાર ટેસ્ટ, 16 ODI અને 24 T20I રમી છે. હેનરિકનો જન્મ પોર્ટુગલના મડેઇરામાં થયો હતો, જે ફૂટબોલર ક્રિસ્ટિયાનો રોનાલ્ડોનું જન્મસ્થળ પણ છે.
હેનરિક બાળપણમાં જ ઓસ્ટ્રેલિયામાં સ્થળાંતરિત થઈ ગયો હતો, અને તે લાંબા સમય સુધી ન્યૂ સાઉથ વેલ્સ અને સિડની સિક્સર્સ માટે રમ્યો હતો. હવે, તે આગામી T20 વર્લ્ડ કપ ક્વોલિફાઇંગ ટુર્નામેન્ટ માટે પોર્ટુગલનો કેપ્ટન બન્યો છે.
ICC મેન્સ T20 ઇન્ટરનેશનલ રેન્કિંગમાં પોર્ટુગલ 37મા ક્રમે છે. પોર્ટુગલ 14 થી 20 ઓગસ્ટ દરમિયાન T20 વર્લ્ડ કપ યુરોપ ક્વોલિફાયર C ના ગ્રુપ B માં ઇઝરાયલ, જર્મની, ગ્રીસ અને ચેકિયાનો સામનો કરશે. ગ્રુપ વિજેતા ટીમ 21 ઓગસ્ટના રોજ ફાઇનલમાં ગ્રુપ A ના વિજેતા સામે ટકરાશે.
પોર્ટુગલ સ્ક્વોડ: મોઈસેસ હેનરીક (કેપ્ટન), ક્રેગ કાચોપા, એડવર્ડ ફ્લેમિંગ, ક્રિસ્ટોફર ડી ફ્રીટાસ, રાહુલકુમાર હાશુ, સિરાજ ઉલ્લાહ ખાડેમ, હરદીપ ખુટ્ટન, જેરેમી માર્ટિન્સ, ધવલકુમાર નોરોટમ (વિકેટકીપર), જોર્ડન નેટ્ટો, કાર્લોસ નુન્સ, સેબેસ્ટિયન ડી ઓલિવિરા, ઉપેન શાંતુ, કેમેરોન શેકલટન. (PC:GETTY IMAGES)
