Asia Cup 2025 : ભારત-પાકિસ્તાન 3 વાર ટકરાશે ! એશિયા કપને લઈ સૌથી મોટી અપડેટ
એશિયા કપ 2025 ટુર્નામેન્ટને લઈને વધુ એક મોટો રિપોર્ટ સામે આવ્યો છે. આ રિપોર્ટ મુજબ, એશિયા કપની આગામી સિઝનમાં ભારત અને પાકિસ્તાન એક જ ગ્રુપમાં હશે. આ ટુર્નામેન્ટમાં કુલ 8 ટીમો એકબીજા સામે ટકરાશે. ખાસ વાત એ છે કે ભારત અને પાકિસ્તાન ત્રણવાર ટકરાઈ શકે છે.
આ પછી, તેઓ સુપર સિક્સમાં પણ એકબીજાનો સામનો કરી શકે છે. જો ભારત અને પાકિસ્તાન આ ટુર્નામેન્ટમાં સારું પ્રદર્શન કરે છે અને ફાઈનલમાં પોતાનું સ્થાન સુનિશ્ચિત કરે છે, તો તેઓ ફાઈનલમાં એકબીજા સામે ટકરાશે.
BCCIના સચિવ દેવજીત સૈકિયાએ પુષ્ટિ કરી છે કે બોર્ડના ઉપપ્રમુખ રાજીવ શુક્લાએ ACCની બેઠકમાં હાજરી આપી હતી. તેમણે બધા સાથે વાત કરી હતી અને મને લાગે છે કે થોડા દિવસોમાં સત્તાવાર પુષ્ટિ થશે.
ભારત અને પાકિસ્તાને છેલ્લે ચેમ્પિયન્સ ટ્રોફી 2025ના ગ્રુપ સ્ટેજમાં દુબઈમાં મેચ રમી હતી. આ ટુર્નામેન્ટ પહેલા પાકિસ્તાનમાં યોજાવાની હતી પરંતુ BCCIએ તેનો ઈનકાર કરી દીધો હતો, ત્યારબાદ તેની મેચો પણ હાઈબ્રિડ મોડેલ હેઠળ દુબઈમાં યોજાઈ હતી.
ભારતે પાકિસ્તાન સામે જોરદાર પ્રદર્શન કર્યું અને આ મેચ જીતી લીધી. પાકિસ્તાન પહેલા બેટિંગ કરતા 241 રનમાં ઓલઆઉટ થઈ ગયું હતું, જેના જવાબમાં ભારતે આ મેચ 43 ઓવરમાં જીતી લીધી હતી. (All Photo Credit : PTI / Getty Images)
