માત્ર 17 રન… હાર્દિક પંડયા ઈતિહાસ રચવાની નજીક, T20 એશિયા કપમાં પહેલીવાર આવું બનશે
ટીમ ઈન્ડિયાના ખેલાડીઓ એશિયા કપ 2025 માટે દુબઈ પહોંચી ગયા છે. તેઓ આ ટુર્નામેન્ટમાં 10 સપ્ટેમ્બરથી પોતાનું અભિયાન શરૂ કરશે. હાર્દિક પંડ્યા એશિયા કપ 2025માં મોટો રેકોર્ડ બનાવી શકે છે. તેને ફક્ત 17 રનની જરૂર છે.
એશિયા કપ 2025ની રાહ હવે પૂરી થવા જઈ રહી છે. આ ટુર્નામેન્ટ 9 સપ્ટેમ્બરથી UAEમાં શરૂ થવા જઈ રહી છે. આ વખતે એશિયા કપ T20 ફોર્મેટમાં રમાશે. જેમાં હાર્દિક પંડયા સહિત સ્ટાર ખેલાડીઓ ભારતને ચેમ્પિયન બનાવવા મેદાનમાં ઉતરશે.
ડિફેન્ડિંગ ચેમ્પિયન ટીમ ઈન્ડિયા 10 સપ્ટેમ્બરથી પોતાના અભિયાનની શરૂઆત કરશે અને ખિતાબનો બચાવ કરવાનો પ્રયાસ કરશે. આ દરમિયાન બધાની નજર હાર્દિક પંડ્યા પર રહેશે. તે T20 એશિયા કપમાં એક ખાસ રેકોર્ડ બનાવી શકે છે.
સ્ટાર ઓલરાઉન્ડર હાર્દિક પંડ્યાએ T20 એશિયા કપમાં અત્યાર સુધીમાં 8 મેચ રમી છે. આ દરમિયાન તેનું પ્રદર્શન ખૂબ જ સારું રહ્યું છે. તેણે બોલર તરીકે 11 વિકેટ લીધી છે. આ સાથે તેણે 83 રન પણ બનાવ્યા છે
આવી સ્થિતિમાં, હાર્દિક પંડ્યા T20 એશિયા કપમાં પોતાના 100 રન પૂરા કરવાથી માત્ર 17 રન દૂર છે. જો તે આ કરશે, તો તે T20 એશિયા કપમાં 10 થી વધુ વિકેટ લેનાર અને 100 થી વધુ રન બનાવનાર પ્રથમ ખેલાડી બનશે. આ પહેલા કોઈ ખેલાડી આ સિદ્ધિ મેળવી શક્યો નથી.
ટીમ ઈન્ડિયા આ ટુર્નામેન્ટમાં પોતાની પહેલી મેચ UAE ટીમ સામે રમશે. આ મેચમાં હાર્દિક પંડ્યા આ રેકોર્ડ પોતાના નામે કરી શકે છે. તમને જણાવી દઈએ કે, તે ટીમ ઈન્ડિયાની ટીમના સૌથી અનુભવી ખેલાડીઓમાંથી એક છે. આવી સ્થિતિમાં, તેના પર મોટી જવાબદારી છે. (All Photo Credit : PTI / GETTY)
Published On - 9:00 pm, Fri, 5 September 25
