રોહિત શર્મા અને વિરાટ કોહલી લેશે રજા, ચેમ્પિયન્સ ટ્રોફી પહેલા નહીં રમે આ મોટી સિરીઝ
ભારત અને ઈંગ્લેન્ડ વચ્ચે 5 T20 મેચોની સિરીઝ 22 જાન્યુઆરીથી શરૂ થશે, ત્યારબાદ 6 ફેબ્રુઆરીથી 3 ODI મેચ રમાશે. ટીમ ઈન્ડિયા પાસે ODI શ્રેણી ચેમ્પિયન્સ ટ્રોફી પહેલા તૈયારી કરવાની છેલ્લી તક હશે. ચેમ્પિયન્સ ટ્રોફી 19 ફેબ્રુઆરીથી શરૂ થવાની છે. જોકે આ સિરીઝ પહેલા મોટા સમાચાર સામે આવા છે કે ભારતના ત્રણ સ્ટાર ક્રિકેટર વિરાટ, રોહિત અને બુમરાહ આ મોટી સિરીઝ નહીં રમે.
ઈંગ્લેન્ડની ટીમ જાન્યુઆરીમાં ભારતના પ્રવાસ પર આવી રહી છે અને આ દરમિયાન બંને ટીમો વચ્ચે પ્રથમ 5 T20 મેચોની શ્રેણી રમાશે, જે 22 જાન્યુઆરીથી શરૂ થશે. આ પછી, 6 ફેબ્રુઆરીથી 3 વન-ડે મેચની શ્રેણી શરૂ થશે.
વિરાટ અને રોહિત પહેલા જ T20 ઈન્ટરનેશનલમાંથી સંન્યાસ લઈ ચૂક્યા છે. આવી સ્થિતિમાં, તે કોઈપણ રીતે આ શ્રેણીનો ભાગ ન હોત. જો કે રિપોર્ટમાં એવો પણ દાવો કરવામાં આવ્યો છે કે રોહિત અને વિરાટના રમવા અંગે અંતિમ નિર્ણય પસંદગી સમિતિ લેશે. પરંતુ હાલ બંને આ શ્રેણીનો ભાગ નહીં હોય.
જ્યાં સુધી જસપ્રીત બુમરાહની વાત છે, તે ત્રણેય ફોર્મેટમાં સક્રિય છે પરંતુ છેલ્લા 3 મહિનાથી સતત ટેસ્ટ ક્રિકેટ રમી રહ્યો છે. આવી સ્થિતિમાં, તે નિશ્ચિત છે કે તેને ચેમ્પિયન્સ ટ્રોફી જેવી ટૂર્નામેન્ટ માટે સંપૂર્ણપણે ફ્રેશ અને ફિટ રાખવા માટે આ સમગ્ર પ્રવાસમાંથી આરામ આપવામાં આવશે.
ભારત અને ઈંગ્લેન્ડ વચ્ચે 3 ODI મેચ રમાવાની છે, જે ચેમ્પિયન્સ ટ્રોફી પહેલા ટીમ ઈન્ડિયાની છેલ્લી શ્રેણી હશે. બુમરાહ જે પ્રકારના ફોર્મમાં છે તેને જોતા તેને આરામ આપવો આશ્ચર્યજનક નથી, પરંતુ રોહિત અને વિરાટના તાજેતરના પ્રદર્શન બાદ તેમને ચેમ્પિયન્સ ટ્રોફી પહેલા આરામ આપવા અંગે સવાલો ઉભા થવાના છે. (All Photo credit : PTI / GETTY)
