અભિષેક શર્માને ભારતની ODI ટીમમાં મળશે સ્થાન, ઓસ્ટ્રેલિયા પ્રવાસમાં કરશે ડેબ્યૂ!
એશિયા કપમાં ધમાકેદાર પ્રદર્શન કરનાર નંબર 1 T20I બેટ્સમેન અભિષેક શર્માને ઓસ્ટ્રેલિયા પ્રવાસ માટે ODI ટીમમાં સામેલ કરવામાં આવી શકે છે. BCCIની પસંદગી સમિતિ આ બાબત પર વિચાર કરી રહી છે. મોટો સવાલ એ છે કે અભિષેકને ટીમમાં સ્થાન મળશે તો રોહિત શર્મા અને યશસ્વી જયસ્વાલનું શું થશે?
અભિષેક શર્મા હાલમાં એશિયા કપ 2025 રન બનાવનારા ખેલાડીઓની યાદીમાં ટોપ પર છે. તેણે ચાર મેચમાં 208.43ના સ્ટ્રાઈક રેટ સાથે 173 રન બનાવ્યા છે. આ પ્રભાવશાળી પ્રદર્શન તેની મહેનતને કારણે છે.
અભિષેક તેની બેટિંગ પ્રત્યે ખૂબ જ ગંભીર છે. તે નેટમાં કલાકો સુધી પ્રેક્ટિસ કરે છે. તેનો લિસ્ટ A રેકોર્ડ પણ જોરદાર છે. તેણે 61 મેચોમાં 35.33ની સરેરાશ અને 99.21ના સ્ટ્રાઈક રેટથી 2014 રન બનાવ્યા છે. તેણે 38 વિકેટ પણ લીધી છે.
પાકિસ્તાન સામે એશિયા કપની સુપર 4 મેચમાં અભિષેક શર્મા અને શુભમન ગિલે પ્રથમ વિકેટ માટે માત્ર 9.5 ઓવરમાં 105 રન બનાવ્યા. આનાથી ભારતને પાકિસ્તાનને સરળતાથી હરાવવામાં મદદ મળી.
હવે પ્રશ્ન એ છે કે જો અભિષેકને ઓસ્ટ્રેલિયા પ્રવાસ માટે ODI ટીમમાં સામેલ કરવામાં આવે તો બહાર કોણ રહેશે? 2027માં દક્ષિણ આફ્રિકા, ઝિમ્બાબ્વે અને નામિબિયામાં યોજાનાર ODI વર્લ્ડ કપ પહેલા ટીમ ઈન્ડિયાએ 27 ODI રમવાની છે.
ODIમાં ઓપનિંગ બેટ્સમેન તરીકે શુભમન ગિલ પહેલી પસંદગી છે.હવે, જો અભિષેક શર્મા શુભમન ગિલ સાથે ODIમાં ઓપનિંગ કરશે, તો રોહિત શર્માનું શું થશે ? શું કેપ્ટન રોહિત શર્માનું ODI કારકિર્દી સમાપ્ત થઈ જશે?
બીજો પ્રશ્ન એ છે કે યશસ્વી જયસ્વાલનું શું થશે, જેણે આ વર્ષની શરૂઆતમાં નાગપુરમાં ઈંગ્લેન્ડ સામે ODIમાં ડેબ્યૂ કર્યું હતું. અભિષેકના ટીમમાં સમાવેશ સાથે પસંદગીકારો ત્રણ મેચની શ્રેણી માટે કેટલા ઓપનિંગ બેટ્સમેનોની પસંદગી કરશે? (All Photo Credit : PTI / GETTY)
