IPL 2025ની મેગા ઓક્શનમાં આ 5 ટીમો નવા કેપ્ટનની શોધમાં, આ સીઝન ખુબ ખાસ હશે
આઈપીએલ 2025ના મેગા ઓક્શન 24 અને 25 નવેમ્બરના રોજ સઉદી અરબના જેદ્દામાં થશે. અહિ 5 ફ્રેન્ચાઈઝી આ વખતે ઓક્શનમાં નવા કેપ્ટનની શોધ કરતી જોવા મળશે.
આઈપીએલ 2025નું મેગા ઓક્શન આ વખતે ખુબ જ ખાસ હશે. જેમાં અનેક ખેલાડીઓની કિસ્મતનો નિર્ણય 24 અને 25 નવેમ્બરના રોજ થશે. રિષભ પંત, શ્રેયસ અય્યર અને કે.એલ રાહુલ પણ આ ઓક્શનમાં જોવા મળશે.
તો ટીમ ડેવિડ મિચેલ સ્ટાર્ક, જોસ બટલરના નામ પર મોટી બોલી લાગી શકે છે. ઈન્ડિન પ્રીમિયર લીગની 18મી સીઝન માટે થવા જઈ રહેલા ઓક્શનમાં 5 એવી ટીમ છે. જે ઓક્શનમાં નવા કેપ્ટનની શોધ માટે મેદાનમાં ઉતરશે.
આ લિસ્ટમાં સૌથી પહેલું નામ આવે છે ડિફેન્ડિંગ ચેમ્પિયન કોલકાત્તા નાઈટ રાઈડર્સનું. જે ગત્ત વખતની ચેમ્પિયન છે.કોલકત્તાની ટીમ નવા કેપ્ટનની શોધમાં હશે. તો રિષભ પંતને દિલ્હીએ રિલીઝ કરતા દિલ્હી કેપિટલ્સ પણ નવા કેપ્ટનની શોધમાં છે.
આઈપીએલ 2025નું આ મેગા ઓક્શન 2 દિવસ સુધી ચાલશે. જેમાં તમામ 10 ટીમ 574 ખેલાડીઓ પર બોલી લગાવશે. આ ખેલાડીઓને આઈપીએલ ગવર્નિંગ કાઉન્સિલે શોર્ટલિસ્ટ કર્યા છે. જેમાં અનેક સ્ટાર ખેલાડીઓના નામ પણ સામેલ છે.
પંજાબ કિંગ્સે માત્ર 2 ખેલાડીઓને રિટેન કર્યા છે. તો મજબુત ટીમ ઉભી કરવા માટે પંજાબ પણ નવા કેપ્ટનની શોધમાં જોવા મળશે. આરસીબી અને લખનૌ સુપર જાયન્ટસની ટીમ પણ મેગા ઓક્શનમાં પોતાના નવા કેપ્ટનની શોધ કરતી જોવા મળશે.