7 વર્ષ સુધી ફ્રેન્ડ રહ્યા, 3 વર્ષ ડેટિંગ કર્યું, બોલીવુડની સિંઘમ લેડી કાજલ અગ્રવાલના પરિવાર વિશે જાણો
કાજલ અગ્રવાલે તેના પતિ ગૌતમ કિચલુ સાથે સોશિયલ મીડિયા પર ખુબ સુંદર ફોટો શેર કરે છે.7 વર્ષ સુધી ફ્રેન્ડ અને 3 વર્ષ ડેટિંગ કરી લગ્ન કરનાર અભિનેત્રી કાજલ અગ્રવાલના પરિવાર વિશે જાણીએ.
કાજલ અગ્રવાલે 2004ની હિન્દી ફિલ્મ ક્યૂં! હો ગયા ના... માં નાની ભૂમિકા સાથે અભિનયની શરૂઆત કરી હતી અને લક્ષ્મી કલ્યાણમ (2007) માં તેની પ્રથમ તેલુગુ ફિલ્મ રિલીઝ થઈ હતી. તે જ વર્ષે, તેણીને ચાંદમામામાં તેની ભૂમિકા માટે ઓળખ મળી.
2009ની ફિલ્મ મગધીરા, જે અત્યાર સુધીની સૌથી વધુ કમાણી કરનાર તેલુગુ ફિલ્મોમાંની એક રહી ચૂકી છે, તેની કારકિર્દીમાં એક મોટો વળાંક આવ્યો અને સુપરહિટ ફિલ્મો આપવા લાગી.
કાજલ અગ્રવાલનો ઉછેર અમૃતસરમાં પંજાબી પરિવારમાં થયો હતો, કાજલ અગ્રવાલના પિતા કાપડના મોટા વેપારી છે. કાજલ અગ્રવાલના પિતાનું નામ વિનય અગ્રવાલ અને માતાનું નામ સુમન અગ્રવાલ છે. તે કાજલની બિઝનેસ મેનેજર પણ છે.
કાજલ અગ્રવાલે મુંબઈના ફોર્ટ સ્થિત સેન્ટ એન હાઇ સ્કૂલમાંથી અભ્યાસ કર્યો અને જય હિંદ કોલેજમાંથી પ્રી-યુનિવર્સિટી શિક્ષણ પૂર્ણ કર્યું છે.કાજલ અગ્રવાલે કિશ્ચિચંદ ચેલ્લારામ કોલેજમાંથી માર્કેટિંગ અને જાહેરાતમાં વિશેષતા સાથે માસ મીડિયામાં સ્નાતકનો અભ્યાસ કર્યો છે.
કાજલે એક ઇન્ટરવ્યુમાં કહ્યું હતું કે તે બાળપણથી જ પત્રકાર બનવા માંગતી હતી, પરંતુ સમયએ તેને અભિનેત્રી બનાવી દીધી.આજે સાઉથ અને બોલિવુડમાં હિટ ફિલ્મો આપે છે.
સાઉથથી બોલિવુડ સિનેમા સુધી પોતાના અભિનયનો જાદુ ફેલાવનાર કાજલ અગ્રવાલની લવસ્ટોરી પણ ખૂબ જ રસપ્રદ છે. તેણે 2020 માં ગૌતમ કિચલુ સાથે લગ્ન કર્યા છે.કાજલ એક પુત્રની માતા પણ બની. પુત્રનું નામ નીલ રાખ્યું છે.
આજે કાજલ અગ્રવાલના ચાહકો દેશભરમાં છે ,જે તેના અભિનય તેમજ તેની સુંદરતાના દિવાના છે. કાજલ અને ગૌતમ લગભગ 7 વર્ષ સુધી મિત્રો રહ્યા અને પછી આ મિત્રતા પ્રેમમાં પરિણમી અને લગ્ન કરતા પહેલા બંનેએ લગભગ 3 વર્ષ સુધી એકબીજાને ડેટ કરી હતી.
બોલિવૂડ દિગ્દર્શક રોહિત શેટ્ટી દ્વારા દિગ્દર્શિત સિંઘમ ફિલ્મ બોક્સ ઓફિસ પર બ્લોકબસ્ટર સાબિત થઈ હતી. આ ફિલ્મમાં કાજલ અગ્રવાલે અભિનેતા અજય દેવગન સાથે મુખ્ય ભૂમિકા ભજવી હતી.
કાજલ અગ્રવાલની એક નાની બહેન નિશા અગ્રવાલ છે, જે તેલુગુ, તમિલ અને મલયાલમ ફિલ્મોમાં કામ કરે છે. નિશા અગ્રવાલે 28 ડિસેમ્બર 2013ના રોજ મુંબઈ સ્થિત ઉદ્યોગપતિ કરણ વાલેચા સાથે લગ્ન કર્યા, જે ગોલ્ડની જીમ ચેઇનના માલિક છે. 27 ઓક્ટોબર 2017ના રોજ એક પુત્રને જન્મ આપ્યો છે.
