દીકરી કરી રહી છે ટીવી પર રાજ, દીકરો અભિનેતા આવો છે જીતેન્દ્ર કપૂરનો પરિવાર
જીતેન્દ્રનો જન્મ 7 એપ્રિલ, 1942ના રોજ અમૃતસરમાં થયો હતો. તેમનું સાચું નામ રવિ કપૂર છે, અને તેઓ એક પંજાબી ખત્રી પરિવારમાંથી આવે છે. તેમના પિતાનું નામ અમરનાથ અને માતાનું નામ કૃષ્ણા કપૂર હતું. તો આજે આપણે જીતેન્દ્રના પરિવાર અને પર્સનલ લાઈફ વિશે વાત કરીએ
જીતેન્દ્રને બોલિવુડ ઈન્ડસ્ટ્રીના મહાન સ્ટાર્સ ગણવામાં આવે છે.તેઓ તેમના અભિનય, સ્ટાઈલ અને ડાન્સ માટે જાણીતા છે. તેમણે છ દાયકાથી વધુની કારકિર્દીમાં 200 થી વધુ ફિલ્મોમાં કામ કર્યું છે. 121 સફળ ફિલ્મો સાથે ધર્મેન્દ્ર પછી તેઓ બોલિવુડ ઈન્ડસ્ટ્રીમાં બોક્સ ઓફિસ હિટની દ્રષ્ટિએ બીજા ક્રમના સૌથી સફળ અભિનેતા છે.
જીતેન્દ્રએ ગીત ગયા પથરો ને (1964) થી તેમની અભિનય કારકિર્દીની શરૂઆત કરી હતી.તેમણે 1967માં ફર્ઝ ફિલ્મ સાથે સ્ટારડમ મેળવ્યું, અને પછીના વર્ષોમાં વધુ સફળતા મેળવી, હિન્દી ફિલ્મોમાં તેમની ઘણી ઓન-સ્ક્રીન ભૂમિકાઓ માટે તેમને ભારતના "જમ્પિંગ જેક" તરીકે ઓળખવામાં આવતા હતા.
2000ના દાયકાની શરૂઆતમાં, તેમણે બાલાજી મોશન પિક્ચર્સની સ્થાપના કરી, જે હિન્દી સિનેમાના અગ્રણી પ્રોડક્શન હાઉસમાંના એક તરીકે ઉભરી આવ્યું હતુ.
જીતેન્દ્ર તેમની પત્ની શોભાને ત્યારે મળ્યા હતા જ્યારે તે માત્ર 14 વર્ષની હતી. તેમણે શાળા પૂર્ણ કરી, કોલેજ ગઈ અને બ્રિટિશ એરવેઝમાં એર હોસ્ટેસ તરીકે નોકરી કરી. જ્યારે જીતેન્દ્ર 1960 થી1966 દરમિયાન પોતાને અભિનેતા તરીકે સ્થાપિત કરવા માટે સંઘર્ષ કરી રહ્યા હતા,
18 ઓક્ટોબર 1974ના રોજ બિદાઈ રિલીઝ થયા પછી જ જીતેન્દ્ર અને શોભાએ લગ્ન કરવાનો નિર્ણય લીધો, જે તેમણે જાનકી કુટીરમાં એક નોર્મલ સમારંભમાં કર્યો જેમાં પરિવારના થોડા સભ્યો અને મિત્રો હાજર હતા.
જીતેન્દ્ર અને શોભાને બે બાળકો છે. સૌથી મોટી પુત્રી એકતા કપૂર બાલાજી ટેલિફિલ્મ્સ ચલાવે છે જ્યારે તેમનો પુત્ર તુષાર કપૂર પણ એક અભિનેતા છે.એકતા કપૂર પરિણીત નથી પરંતુ તેમને રવિ કપૂર નામનો દીકરો છે, જેનો જન્મ 27 જાન્યુઆરી 2019ના રોજ સરોગસી દ્વારા થયો હતો. તુષાર કપુરને પણ સરોગસી દ્વારા એક દીકરો છે.
એકતા કપૂર હિન્દી ટેલિવિઝન ઈન્ડસ્ટ્રીની સૌથી હિટ સીરિયલની નિર્માતા છે. તેણીએ અસંખ્ય સ્ટાર્સને જન્મ આપ્યો છે અને હવે ટીવી અને OTT પ્લેટફોર્મ બંને પર સર્વોચ્ચ સ્થાન ધરાવે છે. એકતા કપૂર ફિલ્મ ઉદ્યોગની સ્વ-નિર્મિત સ્ટાર છે.
બોલિવુડમાં તેમણે પોતાની શરુઆત શાંતારામની ફિલ્મ નવરંગથી એન્ટ્રી કરી હતી. ત્યારબાદ તેણે "ગીત ગાયા પથ્થરોં ને" (1964), "ફર્ઝ" (1967), "કારવાં" (1971), "પરિચય" (1972), "ખુશ્બુ" (1975), "કિનારા" (1977), "ધરમ વીર" (1908), "જુદાઈ" (1981), સહિત અનેક હિટ ફિલ્મો આપી. મેરી આવાઝ સુનો (1981), "હિમ્મતવાલા" (1983), અને "ખુદગર્ઝ" (1987), જેણે તેને સુપરસ્ટાર બનાવ્યો હતો.
જીતેન્દ્ર બોલિવૂડમાં "ડાન્સિંગ હીરો" ટ્રેન્ડ લાવ્યા. તેમની અનોખી ડાન્સ સ્ટાઈલે તેમને ઈન્ડસ્ટ્રીમાં "જમ્પિંગ જેક" નું બિરુદ અપાવ્યું.
જમ્પિંગ જેક તરીકે જાણીતા આ અભિનેતાએ ક્યારેય પાછળ વળીને જોયું નહીં, જયાપ્રદા, શ્રીદેવી અને રીના રોય સાથેની તેમની ઓન-સ્ક્રીન જોડી ખૂબ જ સુંદર રહી.
