Stree 2 જ નહિ, આ ફિલ્મોની સિકવલે પણ ખૂબ કમાણી કરી, એક ફિલ્મે તો 1200 કરોડની કમાણી કરી હતી
શ્ર્દ્ધા કપૂર અને રાજકુમાર રાવની ફિલ્મ સ્ત્રી 2 બોક્સ ઓફિસ પર સારી એવી કમાણી કરી રહી છે. ચાહકો તરફથી આ ફિલ્મને ખુબ જ પ્રેમ પણ મળી રહ્યો છે, માત્ર 5 જ દિવસમાં સ્ત્રી 2 વર્ષ 2024ની સૌથી વધુ કમાણી કરનારી બોલિવુડ ફિલ્મ બની ગઈ છે. તો ચાલો જાણીએ કે, કેટલીક એવી ફિલ્મની સિકવલ થે જેમણે સારી કમાણી કરી હતી.
ભૂલ ભુલૈયા 2 : વર્ષ 2007માં આવેલી અક્ષય કુમારની ફિલ્મ ભૂલ ભુલૈયાને ચાહકોએ ખુબ પસંદ કરી હતી. 2022માં આ ફિલ્મની સિકવલ આવી. જેમાં કાર્તિક આર્યન જોવા મળ્યા હતા. આ ફિલ્મે વર્લ્ડવાઈડ 265 કરોડની કમાણી કરી હતી. હવે કાર્તિક આ ફિલ્મનો ત્રીજો પાર્ટ લઈને આવી રહ્યો છે. આશા છે કે, આ સિકવલ પણ બમ્પર કમાણી કરે.
દૃશ્યમ 2 : આ લિસ્ટમાં એક નામ અજય દેવગણની ફિલ્મ 'દૃશ્યમ 2'નું પણ છે. વર્ષ 2022માં રિલીઝ થયેલી આ ફિલ્મે 342 કરોડની કમાણી કરી હતી. અજયની સાથે ફિલ્મમાં શ્રિયા સરન,તબ્બુ, ઈશિતા દત્તા અને અક્ષય ખન્ના જેવા સ્ટાર જોવા મળ્યા હતા. આ ફિલ્મ 2015માં આવેલી દૃશ્યમની સિકવલ છે.
બાહુબલી 2 : આ લિસ્ટમાં વધુ એક નામ એસએસ રાજામૌલીના ડાયરેક્શનમાં બનેલી ફિલ્મ બાહુબલીની સિકવલ પણ છે. જેને પ્રભાસને ફેમસ કર્યો હતો. આ ફિલ્મનો પહેલો પાર્ટ 2015માં આવ્યો હતો. જ્યારે વર્ષ 2017માં બાહુબલી 2 આવી તો આ ફિલ્મે કમાણી મામલે વધુ મોટો રેકોર્ડ કર્યો હતો. જેને તોડવો મુશ્કેલ છે. આમિર ખાનની ફિલ્મ દંગલ પછી ભારતીય સિનેમાની બીજી સૌથી વધુ કમાણી કરનારી ફિલ્મ છે.
કેજીએફ 2 : વર્ષ 2018માં કેજીએફ દ્રારા યશ મોટો સ્ટાર બની ગયો છે. ત્યારથી તેનું નામ પણ ચર્ચામાં આવ્યું છે. 4 વર્ષ બાદ એટલે કે, 2022માં આ ફિલ્મની સિકવલ આવી જેમણે સારી કમાણી કરી હતી. આ ફિલ્મે દુનિયાભરમાં 1215 કરોડની કમાણી કરી હતી.
