Allu Arjun Family Tree : ઘરમાં 1 નહીં 10 એક્ટર્સ, અલ્લુ અર્જુનનો આવો છે પરિવાર
અલ્લુ અર્જુન (Allu Arjun )ના દાદા અલ્લુ રામલિંગૈયા 1000 થી વધુ ટોલીવુડ ફિલ્મોમાં કામ કર્યું છે. તેમને 1990માં પદ્મશ્રી અને 2001માં રઘુપતિ વેંકૈયા એવોર્ડથી નવાજવામાં આવ્યા હતા. તેઓ પ્રખ્યાત અભિનેતા અને કોમેડિયન હતા. તો ચાલો તમને સાઉથના સૌથી મોટા સ્ટાર પરિવારનો પરિચય કરાવીએ.
અલ્લુ શિરીષ અને અલ્લુ અર્જુન ભાઈઓ છે. અલ્લુ શિરીષ પણ જબરદસ્ત અભિનય કરે છે અને તે ઘણો લોકપ્રિય છે. તેની મજબૂત ફેન ફોલોઈંગ પણ છે.તેના મોટા ભાઈ અલ્લુ અર્જુનની જેમ અલ્લુ શિરીષ પણ સાઉથ ફિલ્મ ઈન્ડસ્ટ્રીમાં જાણીતું નામ છે. તેણે વર્ષ 2013માં રિલીઝ થયેલી ફિલ્મ 'ગૌરવમ'થી ડેબ્યૂ કર્યું હતું. આ પછી તેણે ઘણી હિટ ફિલ્મોમાં કામ કર્યું.
આજે તમને તેલુગુ સિનેમાના સૌથી પ્રભાવશાળી પરિવાર વિશે જણાવીશું. અલ્લુ પરિવાર અને કોનિડેલા પરિવાર વચ્ચેનો સંબંધ ખુબ ખાસ છે. અલ્લુ અર્જુનના પિતા અલ્લુ અરવિંદ અલ્લુ રામલિંગૈયા અને કંકરાત્મનમના પુત્ર છે. અલ્લુ અરવિંદને બે બહેનો હતી. મોટી બહેન વસંત લક્ષ્મીના લગ્ન નવભારતી સાથે થયા છે. નાની બહેન સુરેખાના લગ્ન તેલુગુ સુપરસ્ટાર ચિરંજીવી સાથે થયા છે. ચિરંજીવીનો પુત્ર રામ ચરણ હાલના દિવસોમાં તેલુગુ સિનેમાના સૌથી મોંઘા સ્ટાર્સમાંનો એક છે. ચિરંજીવીને બે પુત્રીઓ સસ્મિતા અને શ્રીજા પણ છે.
સાઉથના સુપરસ્ટાર રામ ચરણની ભારતભરમાં જંગી ફેન ફોલોઈંગ છે. સાઉથ અભિનેતા ફિલ્મ 'RRR' માટે હેડલાઇન્સમાં રહ્યો હતો. તે અલ્લુ અર્જુનનો કઝીન છે. રામ ચરણ ચિરંજીવીના પુત્ર છે.
Published On - 9:27 am, Tue, 8 August 23
