Gold: ચીને તો વૈશ્વિક સ્તરે હડકંપ મચાવી! એક નિર્ણયથી ગોલ્ડ માર્કેટમાં હાહાકાર, સોનાના ભાવમાં આવશે ‘જંગી ઉછાળો’
સોનાના ભાવ માંડ ઘટી રહ્યા હતા અને એવામાં ચીનના એક નિર્ણયથી ગોલ્ડ માર્કેટમાં હાહાકાર મચી ગયો છે. ટૂંકમાં ગ્રાહકો અને જ્વેલરી ઉદ્યોગને આ આંચકો સહન કરવો પડશે.
આ નિર્ણયથી ચીનમાં સોનું ખરીદવું વધુ મોંઘું થશે. ટેક્સ છૂટ સાથે સોનાના છૂટક ભાવમાં 3% થી 5%નો વધારો થઈ શકે છે, જેની સીધી અસર ગ્રાહકોના ખિસ્સા પર પડશે. સોનાના દાગીના અને ઇન્વેસ્ટમેન્ટ પ્રોડક્ટના વેચાણમાં પણ ઘટાડો થવાની શક્યતા છે.
નિષ્ણાતો કહે છે કે, ચીન સરકારે આ પગલું એવા સમયે લીધું છે જ્યારે દેશનો રિયલ એસ્ટેટ ઉદ્યોગ ધીમો થઈ રહ્યો છે અને આર્થિક વિકાસ નબળો પડી રહ્યો છે. Tax Incentives નાબૂદ કરવાથી સરકારી આવકમાં વધારો થશે પરંતુ તે સ્થાનિક માંગને અસર કરી શકે છે.
આ નિર્ણયની અસર વૈશ્વિક બજાર પર પણ પડી શકે છે. તાજેતરના મહિનાઓમાં સોનાના ભાવમાં નોંધપાત્ર વધઘટ જોવા મળી છે. ઓક્ટોબરની શરૂઆતમાં, સોનાએ પ્રતિ ઔંસ $4,000 ની રેકોર્ડ ઊંચી સપાટીને વટાવી દીધી હતી પરંતુ હવે તેમાં થોડો ઘટાડો જોવા મળ્યો છે. ગોલ્ડ ETF (એક્સચેન્જ-ટ્રેડેડ ફંડ્સ) માં રોકાણ પણ ઘટી રહ્યું છે.
કેટલાક વિશ્લેષકોનો અંદાજ છે કે, એક વર્ષમાં સોનું $5,000 સુધી પહોંચી શકે છે. તાજેતરમાં પ્રોફિટ બુકિંગને કારણે MCX પર સોનાના ભાવ ₹12,000 ઘટીને ₹1.21 લાખ પ્રતિ 10 ગ્રામ થયા છે. શુક્રવારે તેમાં થોડો વધારો જોવા મળ્યો હોવા છતાં ચીનના આ પગલાથી ભારતીય બજારમાં નવેસરથી ઉછાળો આવી શકે છે.
