ગૌતમ અદાણીની પર્સનલ લાઈફ તેમજ તેના પરિવારમાં કોણ કોણ છે જાણો
ગૌતમ અદાણી હવે માત્ર ભારતમાં જ નહીં પણ એશિયાના સૌથી અમીર વ્યક્તિ છે.અદાણી ગ્રુપના ચેરમેન ગૌતમ અદાણીના નાના પુત્ર જીત અદાણીના લગ્નની તૈયારીઓ પૂરજોશમાં ચાલી રહી છે. જીતના લગ્ન દિવા જૈમિન શાહ સાથે થશે. તો આજે આપણે ગૌતમ અદાણીના પરિવાર વિશે વાત કરીએ.
ગૌતમ અદાણી દીકરાના લગ્નને કારણે ચર્ચામાં છે અને દુનિયાના સૌથી અમીર વ્યક્તિની લિસ્ટમાં પણ ગૌતમ અદાણીનું નામ આવે છે. આવી સ્થિતિમાં, ચાલો આજે જાણીએ અદાણી પરિવાર વિશે.
ગૌતમ અદાણીનું શિક્ષણ અમદાવાદની CN વિદ્યાલય શાળામાં પૂર્ણ કર્યું છે. તેણે ગુજરાત યુનિવર્સિટીમાં કોમર્સમાં સ્નાતકની ડિગ્રી માટે પ્રવેશ મેળવ્યો હતો પરંતુ બીજા વર્ષ પછી તેણે અભ્યાસ છોડી દીધો હતો. કારણ કે, ગૌતમ અદાણી બિઝનેસ માટે ઉત્સુક હતા, પરંતુ તેમના પિતાના ટેક્સટાઈલ બિઝનેસમાં નહીં
ગૌતમ અદાણીએ 1986માં ડેન્ટિસ્ટ પ્રીતિ વોરા સાથે લગ્ન કર્યા અને તેમને બે પુત્રો છે, કરણ અને જીત. પ્રીતિ અદાણી ,અદાણી ફાઉન્ડેશનની ચેરપર્સન છે.કરણ અદાણી પોર્ટ્સ એન્ડ SEZ ના CEO છે. જીત અદાણી એરપોર્ટ બિઝનેસ અને અદાણી ડિજિટલ લેબ્સનું નેતૃત્વ કરે છે.
ગૌતમ અદાણીને બે પુત્રો છે, જેમના નામ કરણ અને જીત અદાણી છે. તેમાંથી, કરણ અદાણીએ પરિધિ શ્રોફ સાથે લગ્ન કર્યા છે, જે સિરિલ શ્રોફની પુત્રી છે. કરણ અદાણી હાલમાં અદાણી પોર્ટ્સના સીઈઓ છે. કરણ અદાણીને એક પુત્રી છે, જેનું નામ અનુરાધા કરણ અદાણી છે.
ગૌતમ અદાણી 26 નવેમ્બર 2008 ના રોજ 21:50 વાગ્યે દુબઈ પોર્ટ્સના સીઈઓ સાથે મુંબઈમાં તાજમહેલ પેલેસ હોટેલની રેસ્ટોરન્ટમાં હતા, જ્યારે હોટેલ પર આતંકવાદીઓ દ્વારા હુમલો કરવામાં આવ્યો હતો.
આતંકવાદીઓ તેમનાથી માત્ર 15 ફૂટ (4.6 મીટર) દૂર હતા. અદાણી હોટલના રસોડામાં અને પછી ટોયલેટમાં સંતાઈ ગયા અને બીજા દિવસે 08:45 વાગ્યે સુરક્ષિત બહાર આવ્યા હતા.
અદાણી ગ્રુપની શેરબજારમાં લિસ્ટેડ કંપનીઓમાં અદાણી એન્ટરપ્રાઈઝ, અદાણી ગ્રીન એનર્જી, અદાણી પોર્ટ્સ અને સ્પેશિયલ ઈકોનોમિક ઝોન, અદાણી પાવર, અદાણી ટ્રાન્સમિશન, અદાણી ટોટલ ગેસ લિમિટેડ અને અદાણી વિલ્મરનો સમાવેશ થાય છે
Published On - 5:17 pm, Thu, 6 February 25
